konka coffee
KONKA

AMAKURU

UKWEZI

Bugesera: Abaturage barataka ubwambuzi bakorerwa n’abarinda ikibuga cy’indege

Bugesera: Abaturage barataka ubwambuzi bakorerwa n’abarinda ikibuga cy’indege
2-02-2018 saa 11:20' | By Akayezu Jean de Dieu | Yasomwe n'abantu 2007 | Ibitekerezo 1

Bamwe mu baturage b’umurenge wa Juru mu Karere ka Bugesera bavuga ko bahohoterwa n’abarinzi b’ahari kubakwa ikibuga cy’Indege cya Bugesera. Ubuyobozi ariko burizeza abaturage gukemura iki kibazo, aho bwemeza ko butari bukizi.

Aba baturage bavuga ko bahohoterwa bakanamburwa iyo bagerageje kunyura mu nzira inyura aharimo kubakwa ikibuga bagana i Nyabagendwa, mu Murenge wa Rilima bahanye imbibi.

Iyo nzira babuzwa kuyinyuramo kubera ibikorwa byo kubaka ikibuga cy’indege birimbanyije, ariko bakisanga bagomba kuyinyuramo kuko ari yo ibageza hakurya y’ikibuga vuba.

Ugerageje kuhanyura ngo aramburwa cyangwa akanakubitwa bikomeye na bamwe mu barinzi ndetse n’abandi bita abambuzi baba ahari kubakwa ikibuga cy’indege.

Umwe mu baturage yagize ati “Ahubwo twebwe nk’abaturage batuye inaha turi guhura n’ingorane mu kibuga. Uri kugenda watambuka mu kibuga ugiye Nyabagendwa uri ku igare bakakwambura igare bakanagukubita bakaguhohotera tukibaza icyo tuzira, abakozi bahakora ni bo baduhohotera.”

Umubyeyi witwa Dufitumukiza Anitha utuye mu Mudugudu wa Rwimpyisi, akagari ka Rwinume, akomoka aha hitwa Nyabagendwa mu murenge wa Rilima ho muri aka karere ka Bugesera.

Yagize ati “Yaba ari umugore yaba ari umusaza barakubita ntibagira impuhwe, nk’ubu njyewe ndi uwa Nyabagendwa nari mfite gahunda yo gutaha ariko kuko numvishe abantu bakubise sinkigiye, kujya kuzengurura i Rilima ni kure ubundi twakoreshaga inzira yo mu kibuga, murumva ikibuga kitatubangamiye aho kutuzanira umugisha?

Hari umusaza witwa Kiraga Celestin w’imyaka 58 y’amavuko waduhaye ubuhamya bw’uko yatswe 5000Frw y’ikiguzi cy’igare rye ryari ryafatiriwe n’aba barinzi bamubwira ko natayatanga batarimusubiza.

Yagize ati “Nari ngiye Nyabagendwa ndi kumwe n’abantu baravuga bati abantu baragenda bakanyura hano mu kibuga nta kibazo, ubwo twageze imbere tubona abasekirite batangiye baradufata bati ntabwo mugomba kunyura ahangaha, ubwo njyewe byabaye ngombwa ko mbaha 5000Rwf, ubwo abandi twari kumwe babakoreza amajerekani y’amazi abandi baranabakubita njyewe ariko barandetse ndataha kuko nari natanze amafaranga.”

Umunyamabanga Nshingwabikorwa w’Umurenge wa Juru, Rurangirwa Fred yavuze ko iki kibazo cy’ubwambuzi n’ubugizi bwa nabi bukorerwa abaturage ntacyo yari azi ariko ahamya ko iyi nzira zitagikoreshwa kubera impamvu z’iyi mirimo yo kubaka ikibuga cy’indege kubakwa hari ibikoresho biba birimo banga ko bivogerwa.

Ibyo kuba aba baturage bahohoterwa, Gitifu Fred yavuze ko aza kuvugana n’abahagarariye abarinda iki kibuga bakaba bakurikirana abo bakamenya agace ibyo byabereyemo neza bakaba babwira ababikoze bakwiye kwirinda. Kiraga Celestin w’imyaka 58 y’amavuko we ngo yatswe amafaranga 5000 kugira ngo asubizwe igare rye


INKURU ZA :
Tanga Igitekerezo
Ibitekerezo 1
bimawuwa Kuya 3-02-2018

ubundi se mwahimuse ko babahaye ingurane yi byanyu mukajya gushaka ahandi mutura ikibiga nicyuza kigatangira gukoreshwa ntabwo utwo tujagari tuzaguma aho hafi yacyo.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...