AMAKURU

UKWEZI
cheno 2020

Abahitanywe n’imvura idasanzwe mu Rwanda bamaze kuba 72

Abahitanywe n’imvura idasanzwe mu Rwanda bamaze kuba 72
8-05-2020 saa 08:28' | By Nsanzimana Ernest | Yasomwe n'abantu 7602 | Ibitekerezo

Amakuru mashya

Minisiteri y’Ubutabazi yatangaje ko imibare y’abahitanywe n’imvura idasanzwe yaguye mu ijoro ryo ku wa Gatatu yerekana ko hamaze gupfa abantu 72.

Amakuru yabanje

Imibare y’abahitanywe n’imvura yaguye mu ijoro ryakeye no mu gitondo yateje ibiza byahitanye abantu 65. Nk’uko bitangazwa na Minisiteri ishinzwe ubutabazi MINEMA barimo 22 bo mu karere ka Gakenke, 18 bo mu karere ka Nyabihu, 12 bo mu karere ka Muhanga, 6 bo mu karere ka Musanze, 5 bo mu karere ka Ngororero 1 wo mu karere ka Rulindo, 1 mu karere ka Rubavu 1.

Minisitiri Ushinzwe ibikorwa by’ubutabazi mu Rwanda Kayisire Marie Solange yatangaje ko imvura idasanzwe yaraye iguye mu Ntara y’amajyaruguru n’igice cy’Iburengerazuba bimaze kumenyekana ko yahitanye abantu 55 bashobora kwiyongera kuko hari 11 bagishakishwa.

Kayisire avuga ko amazu yasenyutse ari amazu 91. Iyi mvura kandi yanangije ibiraro, imihanda, umuyoboro w’amazi

Ati “Abitabye Imana hari gutegurwa kubashyingura, hari no kugerageza kuguraho ibitengu byaguye ku bantu bagishakishwa”.

Minisitiri Kayisire yavuze ko mu bikorwa biri gukorwa mu rwego rwo kwirinda ko iyi mvura yakongera kwica abandi bantu harimo kwimura abasigaye aho iyi mvura yababaje cyane.

Ati “Ubutaka bwarasomye bituma n’aho tutakekaga ko haba haroroshye horoha. Aho tutakega ko hatenguka umuhanda uragwamo igitengu ukabona ko bitewe n’uko ubutaka bwasomye, amazi yabaye menshi mu butaka kubera imvura nyinshi yahereye mu kwezi kwa cyenda igwa”.

Ati “Abantu birinde, bave mu mazi, ariko kandi imvura ninahita basibure imiferege kugira ngo amazi akomeze agende”.

Minisiteri y’Ubutabazi ivuga ko amakuru ihabwa na Meteo Rwanda ari uko iyi mvura iri kugana ku musozo ati “Ubwo imvura nihita ibyangiritse bizongera bisanwe”.

Ikigo cy’igihugu cy’iteganyagihe kivuga ko amakuru gihabwa na Radar ari uko u Rwanda rufite imvura nyinshi izakomeza kugeza tariki 20 Gicurasi.

Mu mihanda yafunzwe n’imvura yaraye iguye harimo Musanze –Kigali, kubera inkangu yaguye muri uyu muhanda mu karere ka Gakenke ahitwa Buranga n’ahitwa Kivuruga.


Aha ni mu Murenge wa Rusasa mu kagari ka Rumbi aho abaturage babyutse bashakisha abagwiriwe n’inzu, bikekwa ko yari irimo abantu umunani

Ubuyobozi bw’aka karere ka Gakenke buvuga ko iyi mvura yanasenye amazu menshi, inangiza imyaka y’abaturage.

Umuyobozi w’akarere ka Nzamwita yagize ati "Abo inzu zasenyutse ubu hari abacumbika mu baturanyi, abadafite aho bacumbika turabashyira mu bigo by’amashuri, bashakirwe imfashanyo, ibiringiti, ibiribwa n’inzitiramibu".

Uturere twibasiwe cyane n’iyi mvura yatangiye kugwa saa tatu z’ijoro ni Gakenke, Musanze, Nyabihu, Muhanga, Rutsiro na Rulindo.

Iyi mvura kandi yanatumye umugezi wa Nyamutera uca mu Murenge wa Rugera mu karere Nyabihu wuzura ucamo kabiri umuhanda munini Musanze-Vunga- Muhanga.


Mu karere ka Gakenke ikigo NPD cyohereje imashini zitunganya uyu muhanda ziwukuramo ibyondo washyizwemo n’inkangu, ubu wongeye kuba nyabagendwa.


Gakenke umubanda Kigali -Musanze wari wafunzwe n’inkangu wongeye kuba nyabagendwa


Umuhanda Musanze -Vunga-Muhanga waciwemo kabiri n’ingangu


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...