konka coffee
KONKA

AMAKURU

UKWEZI

Abakozi babiri b’Intara y’Amajyepfo batawe muri yombi

Abakozi babiri b’Intara y’Amajyepfo batawe muri yombi
14-05-2018 saa 10:24' | By Akayezu Jean de Dieu | Yasomwe n'abantu 4399 | Ibitekerezo 4

Umukozi w’Intara y’Amajyepfo ushinzwe igenamigambi n’ingengo y’imari ndetse n’abo bakoranaga mu biro bye, batawe muri yombi nyuma y’uko muri ibi biro hasanzwemo inyandiko zitagira umukono ‘Tract’zikoreshwa mu gukwirakwiza ibihuha ku mwanzi w’igihugu, bagamije kwangisha abaturage Leta

Izi nyandiko zizwi nka ‘Tract’ zatoraguwe muri ibi biro kuwa Gatanu w’Icyumweru gishize aho bivugwaho zari zanditseho amagambo agamije kwangisha abaturage leta.

Nyuma y’uko izi mpapuro zitoraguwe umukozi ushinzwe igenamigambi n’ingengo y’imari yahise atabwa muri yombi ari kumwe n’abandi bakora muri ibi biro uko ari batanu.

Nyuma y’iperereza ryakozwe batatu muri aba bakozi bahise barekurwa ariko uyu mukozi ushinzwe igenamigambi n’ingengo y’imari, Mutambuka Faustin ndetse n’umutekinisiye Mutuyimana Olivier bo bakomeza gufungwa nk’uko byemejwe na Mbabazi Modeste, Umuvugizi w’Urwergo rw’Ubugenzacyaha mu Rwanda.

Mbabazi yavuze ko icyaha bakurikiranyweho kijyanye n’ingingo ya 463 mu gitabo cy’amategeko ahana y’u Rwanda cyo ‘guteza imvururu cyangwa imidugararo muri rubanda’

Iyo ngingo iti “umuntu wese, witwaza, ari disikuru avugiye mu nama cyangwa mu giterane, ari inyandiko ubwoko bwose, amashusho cyangwa ibimenyetso by’amoko yose, bimanitswe, bitanzwe, biguzwe cyangwa bigurishijwe cyangwa bishyizwe mu maso ya rubanda, uwamamaza nkana ibihuha akagomesha cyangwa akagerageza kugomesha rubanda arwangisha ubutegetsi buriho, agatera cyangwa akagerageza guteza imvururu mu baturage ashaka ko basubiranamo, agatera rubanda intugunda ashaka kubyutsa imidugararo muri Repubulika y’u Rwanda, ahanishwa igifungo kuva ku myaka icumi kugeza ku myaka cumi n’itanu.”


INKURU ZA :
Tanga Igitekerezo
Ibitekerezo 4
kanyemeta Kuya 19-05-2018

None se ko ari tracts nyine about barazira iki? Birashoboka cyane ko ataribo bazanditse. Niki cyemeza se ko aribo? Abo bakozi njye nkeka mu kazi bashinzwe Atari abasecurité bagomba kumenya uwinjiye nibyo yinjiranye cg asohokanye

gakuru leverien Kuya 16-05-2018

ubutabera bushishoze gusa ntibyoroshye

Benjamin lasigale Kuya 16-05-2018

bakurikiranwe kabisa barashaka gukoma munkokora ibyo leta yubumwe itugezaho!

Ngenzi Kuya 14-05-2018

Aba baragowe;bari buvuge ko mu gihe bari babaherekeje bagiye ku musarane birutse bakabacika hanyuma bakaraswa

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...