AMAKURU

UKWEZI
cheno 2020

Abantu 12 nibo bamaze kumenyekana bahitanywe n’ imvura yaguye kuri NOHELI

Abantu 12 nibo bamaze kumenyekana bahitanywe n’ imvura yaguye kuri NOHELI
26-12-2019 saa 13:21' | By Nsanzimana Ernest | Yasomwe n'abantu 4995 | Ibitekerezo

Imvura idasanzwe yaguye mu gihugu hose kuri uyu wa 25 Ukuboza 2019 yahitanye abantu 12 mu gihugu hose nk’ uko bitangazwa na Leta y’ u Rwanda.

Mu kiganiro Minisitiri w’ Ubutegetsi bw’ Igihugu Prof Shyaka Anastase na Minisitiri y’ Ibikorwaremezo amb. Claver Gatete bagiranye n’ abanyamakuru kuri uyu wa 26 Ukuboza havugiwemo ko uretse abantu 12 bimaze kumenyekana ko bapfuye ngo hari n’ amazu 113 yasenyutse n’ imyaka yari ihinze ku buso bungana hegitari 49 z’ imirima nayo yangiritse.

Iyi mvura iguye mu gihe hari abantu barenga ibihumbi 6 baherutse kwimurwa mu manegeka mu buryo butavuzweho rumwe kuko abaturage bagiye basenyerwa badafite aho bari bwerekeze.

Iyi mvura yatunguranye ugereranyije n’ ibipimo yari ifite. Yaguye ari imvura nyinshi cyane iruta irimaze iminsi zigwa. Mu mujyi wa Kigali, umwuzure watejwe n’ iyi mvura mu masaha y’ umugoroba wari wafunze imihanda imwe n’ imwe.

Hari amafoto n’ amashusho byakwirakwiye ku mbuga nkoranyambaga bigaragaza ubukana aya mazi yari afite dore ko hari aho yagiye atwara imodoka zikarenga umuhanda. Mu mujyi wa Kigali ahazwi nko mu Kanogo umwuzure watwaye za kontineri uzivana aho zirunze zimwe zijya mu muhanda.

Umunyamabanga uhoraho muri Minisiteri y’ Ubutabazi yavuze ko iyi mvura iguye mu gihe hashize ibyumweru 3 Leta ifashe icyemezo cyo kwimura abatuye mu manegeka bamwe ikanabasenyera.

Ati “Turasaba abaturage kureka kujugunya imyanda amacupa, amasashe aho babonye hose kuko iyo imvura iguye ari nyinshi, n’ iyo yaba ari nke biragenda bikaziba imiyoboro y’ amazi”.

Leta y’ u Rwanda kandi irasaba abagituye mu manegeka kuhimuka bwangu kuko ikigo cy’ igihugu cy’ iteganyagihe Meteo Rwanda kigaragaza ko iyi mvura itarashira mu kirere.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...