AMAKURU

UKWEZI
cheno 2020

Abitwaje intwaro baherutse guca Nyamasheke bishe umwe umugambi wabo uburizwamo

Abitwaje intwaro baherutse guca Nyamasheke bishe umwe umugambi wabo uburizwamo
22-03-2019 saa 15:46' | By Nsanzimana Ernest | Yasomwe n'abantu 7965 | Ibitekerezo 1

Minisitiri Shyaka Anastase (wambaye ishati) asuhuzanya na Meya Kamali Aimé Fabien

Umuyobozi w’ Akarere ka Nyamasheke Kamali Aimé Fabien yavuze ko abantu bitwaje intwaro baherutse kunyura muri aka karere bavuga ko bagiye muri Nyungwe bishe umuntu umwe, yongeraho ko umugambi wabo wo kugera muri Nyungwe abasirikare b’ u Rwanda bawuburijemo.

Ku Cyumweru tariki 17 Werurwe nibwo abantu barenga 80 barimo abari bambaye gisirikare n’ abari bitwaje intwaro bageze mu murenge wa Karambi uri hafi y’ishyamba rya Nyungwe basaba abaturage kubereka inzira yabageza muri iri shyamba.

Amakuru avuga ko aba bantu bashobora kuba bari baturutse hakurya y’ Ikiyaga cya Kivu bakambuka binjira muri aka karere.

Kuri uyu wa 22 Werurwe 2019, Minisitiri w’ Ubutegetsi bw’ igihugu Prof Shyaka Anastase yasuye aka karere aganira n’ abayobozi bose bako kuva ku mudugudu. Mu ngingo baganiriyeho harimo n’ umutekano.

Meya Kamali yabwiye itangazamakuru ko bagize ibyago bagapfusha umuntu umwe ubwo abarimo abitwaje imbunda banyuraga muri aka karere bavuga ko bagiye mu ishyamba rya Nyungwe.

Yagize ati “Twagize ibyago baturasira umuntu umwe yitaba Imana ariko abaturage turabashimira by’ umwihariko abaturage b’umurenge wa Kalambi kubera ko bababonye bakiza baraduhamagara twese n’ inzego z’ umutekano turababona, inzego z’umutekano zirabakurikira kandi aho bashakaga kujya ntabwo bahageze”

Yongeyeho ati “Inzego zacu z’umutekano zirasobanutse zifite ubuhanga n’ ubumenyi n’ ubushobozi zarabikemukiye kuburyo twizera ko nta mbogamizi n’ imwe ihari abaturage bacu bose bari mu kazi, bari mu buzima busanzwe barahinga bakeza bakabyara bagaheka”

Meya Kamali yakomeje avuga ko abo barwanyi banyuze muri aka karere ibikoresho bya gisirikare bari bafite ingabo z’ u Rwanda zabibambuye. Yasabye abaturage b’ aka karere ayoboye kwirinda ibihuha bivuga ko mu ishyamba rya Nyungwe harimo abantu bahafashe

Ati “Birinde ibihuha by’ abantu bavuga ngo mu ishyamba barahafashe, akarere karafashwe ntabwo aribyo turahari twese turakora turatera imbere”.

Mu mpera z’ umwaka ushize abantu bitwaje intwaro batangiriye mu ishyamba rya Nyungwe imodoka zitwara abagenzi. Muri iki gitero hari abahatakarije ubuzima.


INKURU ZA :
Tanga Igitekerezo
Ibitekerezo 1
Eddie Kuya 25-03-2019

Ariko buriya byaba byiza, abayobozi bajye berekana amafoto, amazina n’ibindi bigaragaza ko bariya bacengezi bafashwe.
None se ko batinjiye muri Nyungwe bagiye he?
Bari baturutse he se? Ubu se bari he?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...