AMAKURU

UKWEZI
cheno 2020

Amazi ava mu nkambi ya Kigeme abangamiye abatuye munsi yayo

Amazi ava mu nkambi ya Kigeme abangamiye abatuye munsi yayo
10-12-2019 saa 10:00' | By Nsanzimana Ernest | Yasomwe n'abantu 1872 | Ibitekerezo 1

Abatuye munsi y’ inkambi ya Kigeme mu mudugudu wa Gakoma akagari ka Kigeme, umurenge wa Gasaka bavuga ko babagamiwe n’ amazi ava muri iyi nkambi yaciye ikinogo kinini gishobora kuzahitana ubuzima bw’ abantu.

Kamagaju Jacqueline utuye muri metero nkeya uvuye kuri iki kinogo avuga gikomeje kwiyongera kandi ngo iyo gitengutse gitigisa inzu ye ku buryo aba afite ubwoba ko izamugwaho.

Uyu mupfakazi ubana n’ abana be, avuga ko iyo yagiye gupagasa aba afite ubwoba ko asanga iki kinogo cyamuhitaniye abana.

Uyu mubyeyi avuga ko inzu ye isigaye iva kuko iki kinogo gitenguka kigateza umutingito amategura akava mu mwanya wayo. Ikindi kimuteye impunge ni ubuzima bw’ abana banyura ihuruhande rw’ iki kinogo.

Aganira na UKWEZI yagize ati “Hari abana bahakinira, hari n’ abana bo mu nkambi bahanyura bajya kuvona, uba usanga mpagaze mbabwira ngo nibahunge inkangu. Kimwe n’ uko nanjye ubwanjye ubu mvuye guhahira abana ngo mbashyirire inkono ku ziko ariko iyi mvura iguye mvuga ngo byanze bikunze ndasanga inkangu ibatwaye. Ni ikibazo dufite abayobozi bareba ikintu badukorera kubera iyi nkangu”.

Iyo ugeze kuri iyi nkangu ubona buri kanya biritagurika, ari nako ibiti by’ ishyamba riyikikije bigwamo abana bakajyamo kubitema bakabitwara.

Iki kinogo kiri gusatira inkambi ku buryo ntagikozwe mu maguru mashya inzu z’ impunzi z’ Abanyekongo ziri ku Kigeme zatangira gutemba.

Iki kinogo cyacukutse gihereye hepfo ku gishanga magingo aya kigeze hagati mu musozi, aho abakoze rigore iva mu nkambi bayigarukirije.


Kinayi avuga ko amazi ava mu nkambi ya Kigeme yamwangirije ishyamba

Kinayi Michael ufite ishyamba ahacitse iyi nkangu, yemeza ko iyi nkangu yaciwe n’ amazi ava mu nkambi.

Agira ati “Ikibazo tugenda duhura nacyo ni ikibazo cy’ inkangu yaciwe n’ amazi aturuka mu nkambi, iyo nkangu yadutwariye amashyamba, urebye ni iminani y’ abantu babiri. Ubona nta cyerekezo cyacu cyo kugira ngo tuzongere kugira ubuzima kuko ririya shyamba niryo twajyaga tuvanaho mituweri, tukavanaho igifasha abana ariko ubu nta mibereho, urebye nta mibereho”.

Abakoze rigore yashoye amazi muri iri shyamba akahaca igicucu ngo nta masezerano bigeze bagirana na banyiri ishyamba nk’ uko bivugwa na Kinayi.

Kinayi na Mushikiwe Kamagaju basaba Leta ko yabaha ingurane y’ amasambu yabo bakajya gushaka ahandi batura, kandi ikanasiba iki kinogo kugira ngo kitazwatwara ubuzima bw’ abantu.

Umuyobozi wungirije w’ Akarere ka Nyamagabe, ushinzwe imibereho myiza y’ abaturage MUJAWAYEZU Prisca yatangarije UKWEZI ko Leta ifite umushinga wo gusiba iki kinogo, anasaba abaturage babangamiwe n’ iki kinogo ko bageza ikibazo cyabo mu buyobozi bukabafasha.

Yagize ati “Umuturage utuye ahantu hatamubereye hashobora kumutera ibyago, niyegere ubuyobozi. Ubu turimo turavana abantu mu manegeka bashobora guhura n’ ingorane z’ ibiza niba nawe ari muri abo ngabo niyegere ubuyobozi bw’ akagari n’ ashaka aze no ku karere tumusure turebe koko ko afite ikibazo tumwimure”.

Visi Meya MUJAWAYEZU avuga ko Minisiteri y’ Ubutabazi ifite gahunda yo gusiba iki kinogo. Ati “Turakizi na MINEMA irakizi MINEMA kandi nziko yari ifite umushinga wo kuza kugitunganya”.

Abatuye hafi y’ aho iki kinogo cyacukutse bavuga ko cyatangiye gucukuka mu myaka 7 ishize, ubwo izi mpunzi z’ Abanyekongo zatuzwaga ku Kigeme.

Abaganiriye na UKWEZI basaba ko abakora rigore zizavana amazi ku mihanda, mu mujyi n’ ahandi hateraniye abantu benshi bajya bazimanura zikagera mu gishanga kuko iyo bazigarukirije mu misozi hagati ayo mazi ahaca inkangu.


Nubwo kiba gitengangurika buri kanya ntibibuza abana kujyamo hasi, ikintu giteye impungenge abahatuye bagasaba ko cyasibwa vuba




Iyi nzu iri nko muri metero 60 uvuye kuri iki kinogo

Kuri iki kinogo niyo nzira y’ abana bajya kuvoma baturutse mu nkambi


INKURU ZA :
Tanga Igitekerezo
Ibitekerezo 1
Katere J.Bosco Kuya 11-12-2019

Ibi twari tubyiteze kuko hatangiye kwangirika tukimara gukora ziriya rigole, ahubwo kuba nta kirakorwa abayobozi ba MINEMA bahirirwa umunsi ku wundi babibazwe, mwibuke ko izo rigole zakozwe na COOP-RWANDA kdi icyo gihe no guhemba abakozi byabaye ingorabahizi

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...