AMAKURU

UKWEZI
cheno 2020

Arembeye mu bitaro nyuma yo gukubitwa n’ abanyerondo b’ umwuga bamusanze iwe

Arembeye mu bitaro nyuma yo gukubitwa n’ abanyerondo b’ umwuga bamusanze iwe
26-12-2019 saa 09:32' | By Nsanzimana Ernest | Yasomwe n'abantu 7876 | Ibitekerezo 2

Abaturage bo mu kagari ka Mpare umurenge wa Tumba basaba ubuyobozi kubahindurira abanyerondo bitwa ab’ umwuga kuko ngo bateza umutekano muke aho kuwurinda.

Ibi babitangaje nyuma y’ aho abanyerondo bivugwa ko baturutse mu kagari ka Cyimana ku wa Gatanu tariki 20 Ukuboza 2019 saa kumi z’ igitondo bagiye mu rugo rwa Nzamurambaho Eric mu kagari k’ Akabuga baramukubita.

Ikinyamakuru UKWEZI cyasuye Nzamurambaho bahimba Kabayija aho arwariye mu bitaro bya CHUB avuga ko ibyamubayeho byaturutse ku muturanyi we witwa Bizimana Jean Claude bafitanye ikibazo.

Yagize ati “Nk’ umuntu w’ umucuruzi hari umugabo witwa Bizimana, uwo nguwo wavuze ngo nibankubite ushinzwe irondo(Sumayire) ni muramu we. Bitewe n’ uko muri karitsiye mbarusha icyashara bagize ishyari aha amafaranga uwo muramuwe ngo bankubite n’ iryo joro yari avuyeyo abaturage baramubonye. Ati none se ko ikibazo cyawe ngikemuye wa muntu wamurebye undi ati ‘niwe tugiye kureba’”.

Abaturage bo mu kagari ka Mpare bemeza ko abanyerondo bakubise Nzamurambaho badasanzwe bakorera mu kagari ka Mpare ahubwo ngo ni ab’ i Tumba bakodeshejwe bajya gukubita uyu mugabo.

Nzamurambaho avuga ko bamukubise inkoni zitabarika mu bitugu, barangije baramwirukankana bamusundura mu mukingo wa metero nk’ eshanu tugenekereje.

Ubwo twamusangaga mu bitaro ku wa Mbere w’ iki cyumweru yari ahambirije bande ku maguru yombi ati “Utubumbampori na za ruseke byaramenaguritse”. Icyo gihe yari ategereje kubagwa ndetse ngo abaganga bari bamubwiye ko bashobora kumwohereza I Kigali ku bitaro byitiriwe umwami Faisal.

Umwe mu baturage batuye mu mudugudu w’ Akabuga yagize ati “Abanyerondo bafata umuntu niba ari n’ umusinzi aho kugira ngo bamubwire ngo wamusinzi we watashye ahubwo bagashyira hasi bagakubita. Ibisambo bikabacaho babireba bakabikingira ikibaba”.


Abaturage b’ i Mpare banenga imikorere y’ irondo ry’ umwuga

Nzamurambaho avuga ko ubwo yumvaga abantu basimbutse igipangu cye yasohokanye inkota yo kwirwanaho.

Aba baturage bifuza ko hasubiraho irondo risanzwe rirarwa n’ abaturage bose ngo kubera ko aho bashyiriyeho irondo ry’ umwuga aribwo ibibazo by’ umutekano muke byiyongereye.

Nyiracumi umugore wa Nzamurambaho avuga ko umunsi umugabo we akubitwa n’ abanyerondo bari baturutse I Tumba banakubise abanyerondo basanzwe barirara I Mpare.

Umunyamabanga Nshingwabikorwa w’ umurenge wa Tumba Migabo Vital avuga ko Nzamurambaho amaze guhohoterwa bakoranye inama n’ abaturage basanga ikibazo cyabayeho ari uko abo banyerondo bagiye gusaka ibiyobyabwenge kwa Nzamurambaho batabimenyesheje ubuyobozi.

Ngo Nzamurambaho na Bizimana basanzwe bazwiho gucuruza ibiyobyabwenge birimo na Muriture. Gitifu Migabo avuga ko umutekano abaturage bakwiye kuwugiramo uruhare agasaba Nzamurambaho ko umunsi azaba yavuye mu bitaro atakongera gucuruza ibiyobyabwenge.

Nubwo abaturage basanga abanyerondo bakorera i Mpare bakwiye guhindurwa , Gitifu Migabo we asanga atari wo muti kuko ngo umunyererondo ugaragayeho ikosa ahanwa ku giti cye. Magingo ngo uwari umuyobozi w’ irondo yakuweho kuko basanze yaragiye gusaka ibiyobyabwenge kwa Nzamurambaho atabimenyesheje ubuyobozi, kandi ngo hari n’ abandi banyerondo bagiye bahanwa barimo n’ abafunze kubera amakosa n’ ibyaha bagiye bakora mu kazi.

Bizimana Jean Claude ushinjwa kuba yaraguze abanyerondo ngo bage gukubita Nzamurambaho yatawe muri yombi akekwaho icyaha cyo kwica umuntu, gusa mbere y’ uko atabwa muri yombi yahakanye ibyo kuba yarahaye ibihumbi 10 umuyobozi w’ irondo ngo bage gukubita Nzamurambaho.


INKURU ZA :
Tanga Igitekerezo
Ibitekerezo 2
Chance Kuya 29-12-2019

Bahanwe n’amategeko kuko urwo ni urwitwazo

Rutayisire Kuya 27-12-2019

Niyo yakekwaho iyo nzoga ya muriture igisubizo si uguhondagura umuntu banamusanze iwe, bakwiye kwikosora bamwe mubasebya irondo ry umwuga .

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...