AMAKURU

UKWEZI
ubumwe

Burera: Umugabo yanyoye essence ashyira amatungo n’ ibikoresho mu nzu arabitwika

Burera: Umugabo yanyoye essence ashyira amatungo n’ ibikoresho mu nzu arabitwika
23-10-2019 saa 22:14' | By Nsanzimana Ernest | Yasomwe n'abantu 6038 | Ibitekerezo

Umugabo witwa Nzamwita Evariste wo mu murenge wa Rugengabali mu karere ka Burera yatwitse inzu ye irimo inka n’ intama enye n’ ibikoresho byose arangiye yijyana kuri polisi avuga ko yabitewe n’ uko yari yanyoye essence.

Byabereye mu kagari ka Rukandabyuma umudugudu wa Seta kuri uyu wa Gatatu tariki 23 Ukwakira 2019 ahagana saa tatu za mu gitondo (9:00am).

Umunyamabanga Nshingwabikorwa w’ Umurenge wa Rugengabali HABUMUREMYI Jean Claude yatangarije UKWEZI ko uyu mugabo wavutse mu 1972 yashyize amatungo mu nzu (intama 4 n’inka 1 y’akanyana), yegeranya n’ibyari mu nzu ye byose arangije arabitwika.

Abaturanyi babo bahise babona umwotsi ucucumuka mu nzu bihutira kuzimya, ariko uretse amatungo yashoboye guhunga aho ibikoresho byo mu nzu yari yarunze mu byumba bibiri byahiraga nta kindi kintu cyashoboye kurokoka.

Ibi byose uyu mugabo yabikoze ubwo umugore we BANZIBARIHO Odette yari yagiye guca inshuro abana bagiye ku mashuri.

NZAMWITA yahise yijyana kuri Polisi kuko yafashwe ageze kuri sitasiyo Rukandabyuma. Yabwiye abapolisi yabikoze amaze kunywa essance hafi litiro.

Polisi yahise imujyana ku kigo nderabuzima cya Mucaca kugira ngo abaganga bakurikiranire hafi ubuzima bwe kuko yari ameze nabi.

Umugore we BANZIBARIHO Odette w’ imyaka 44 yari yajyanye n’ abana bakuru gukorera amafaranga ajyana na bamwe mu bana babo bakuru abato bari bagiye ku ishuri nta muntu waguyemo cyangwa ngo akomerekeremo.

Uyu muryango washyingiranwe byemewe n’amategeko. Umugore yabwiye abayobozi ko mu mwaka n’ igice ushize yagiranye na NZAMWITA amakimbirane ashingiye ku gusesagura no gukoresha nabi umutungo bituruka ku mugabo.

Uyu mugore avuga ko mu byumweru bibiri bishize ayo makimbirane yongeye kugaruka bitewe nuko umugabo yamutonganyije bapfa ko ataguze ibirayi akagura ibijumba. Icyo gihe umugore yari yagiye ku isoko kugura ibirayi asanga amafaranga afite ari make ahitamo kugura ibijumba kuko ngo yabonaga aribyo biratubuka.

Gitifu HABUMUREMYI Jean Claude avuga ko nk’ ubuyobozi bw’ umurenge bashatse aho bikopesha ibikoresho by’ ibanze kugira ngo abo muri uyu muryango ubuzima bwabo bukomeze.




Igisenge cyahiye ibishashi bihanukira ku nka irashya ari viterinaire yatangajo ko iyi nka izakira

Mu bikoresho byahawe uyu muryango ngo bibunganire harimo ibyo kurya, amasafuriya, amasahani, ibikombe, ijerikani 2 zo kuvomesha no kubika amazi, ibiryamirwa, imyambaro, kuko nta kindi uyu muryango wari usigaranye.

Saa kumi n’ ebyiri z’ umugoroba NZAMWITA yari yamaze koroherwa nk’ uko Habumuremyi avuga ko yabitangarijwe n’ umuyobozi w’ ikigo nderabuzima cya Mucaca.

Gitifu Habumuremyi avuga ko nk’ ubuyobozi bahumuriza abaturage kubera ibyabaye ariko akasaba abaturage kudahishira amakimbirane yo mu ngo kuko ari icyaha gihanwa n’ amategeko.

Yemera ko muri uyu murenge amaze amezi make atangiye kuyobora ikibazo cy’ amakimbirane gihari akavuga ko ahanini giterwa n’ umuco utari mwiza w’ ubuharike.

Yagize ati “Muri uyu murenge wa Rugengabali hari ikibazo cy’ amakimbirane yo mu ngo ahanini aterwa n’ ubuharike, nk’ ubuyobozi dukomeje ubukangurambaga ariko guhinduka ni urugendo”.


Ibikoresho byose bari bafite birimo imyenda, n’ ameza byahiye bihinduka umuyonga


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...