konka coffee
KONKA

AMAKURU

UKWEZI
ubumwe

Callixte ’Sankara’ yasimbujwe ku buvugizi bw’umutwe urwanya Leta y’ u Rwanda

Callixte ’Sankara’ yasimbujwe ku buvugizi bw’umutwe urwanya Leta y’ u Rwanda
6-05-2019 saa 14:31' | By Nsanzimana Ernest | Yasomwe n'abantu 6279 | Ibitekerezo 2

Ishyaka MRCD rirwanya ubutegetsi bw’u Rwanda ryatangaje ko nyuma itabwa muri yombi rya Major Callixte Nsabimana Sankara wari umuvugizui w’ umutwe wa FNL ryashyizeho Capitaine Herman Nsengimana nk’umusimbura we.

Bikubiye mu itangazo ryashyizweho umukono na Paul Rusesabagina, uyobora MRCD. Paul Rusesabaginwa ari ku rutonde rw’ abo Leta y’ u Rwanda yashyiriyeho impapuro zibata muri yombi kubera ibyaha bakekwaho.

Mu cyumweru gishize, Minisitiri w’ububanyi n’amahanga w’u Rwanda, Dr Richard Sezibera, yatangaje ko Callixte Nsabimana uzwi nka Sankara ari mu maboko ya Leta y’u Rwanda avuga ko azagezwa imbere y’ubucamanza mu gihe cya vuba. Ntabwo yasobanuye uburyo yafashwemo.

Dr Sezibera yavuze ko atari Sankara wenyine uzatabwa muri yombi ngo ahubwo n’ abandi barimo Rusesabagina na Himbara David nabo bazafatwa.

Major Sankara yakunze kumvikana avugira umutwe wa FLN, yigamba ibitero mu bice byegereye ishyamba rya Nyungwe.

Iri tangazo rishya rya MRCD ryo ku itariki ya gatanu y’uku kwezi kwa gatanu, rivuga ko Capitaine Herman Nsengimana wasimbuye Major Sankara "afite uburambe mu kazi gasanzwe ka Gisilikali, akaba kandi yarakoranye bya hafi" n’uyu asimbuye.

Rigira riti: "Tumuhaye izi nshingano tuzi neza ko azagera ikirenge mu cy’uwo asimbuye".

BBC yatangaje ko hari videwo igaragara ku rubuga rwa interineti, Nsengimana Herman avuga ko ari umuvandimwe wa Niyomugabo Gérard waburiwe irengero mu mwaka wa 2014 mu Rwanda, yari amaze igihe agaragaza ibitekerezo by’uko adashyigikiye Leta y’u Rwanda.

Si byinshi bizwi kuri uyu muvugizi mushya wa FLN, gusa avuga ko nyuma y’ibura ry’umuvandimwe we, yavuye mu Rwanda ajya muri uyu mutwe urwanya Leta y’u Rwanda.


INKURU ZA :
Tanga Igitekerezo
Ibitekerezo 2
RIZINJIRABAKE VINCENT Kuya 11-05-2019

uwo mugabo nafatwe ahanwe namategeko

dada Kuya 6-05-2019

Nawe azafatwa kuko sankara yafashwe kuberako umugambi bafite ntago Imana yawushyigikira ngo ibaheshe umugisha ahubwo Izabarimbura

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...