konka coffee
KONKA

AMAKURU

UKWEZI
ubumwe

Gicumbi: Abantu 3 baburiwe irengero

Gicumbi: Abantu 3 baburiwe irengero
13-02-2019 saa 09:02' | By Nsanzimana Ernest | Yasomwe n'abantu 5875 | Ibitekerezo

Ku itariki ya 27/1/2019 mu karere ka Gicumbi umurenge wa Shangasha Akagari ka Kitazigurwa mu mudugudu wa Rugarama nibwo amakuru yasakaye avugako umugore witwa Mukabatsinda Chantal yaburiwe irengero.

Amakuru dukesha umuryango we avugako yaba yaragambaniwe n’umugabo babyaranye witwa MAKUZA.

Nyina wa Mukabatsinda Chantal witwa Nyirabahagarara Consolatha avuga ko Mukuza ariwe uri inyuma y’ ibura ry’ umwana akanamushinja ko yashatse kwica umwuzukuru we.

Yagize ati " Ibura ry’umwana wanjye ryagizwemo uruhare na Makuza babyaranye akaza kwihakana umwana yagerageje kwica umwana ariko kubera Imana ntiyapfa, hari aho yafashe umwana ku mugoroba amujyana ku iharama nka saa moya z’ijoro abonye kumwica bidakunze amuha igiceri cy’ijana amwohereza mu rugo".

Uyu mubyeyi akomeza avuga ati "Tariki 27 Mutarama 2019 najyanye gusenga n’umukobwa wanjye I Byumba mugutaha ansiga ngiye ku igaburo we arataha asanga uwitwa Ngendahimana Donat na Nyirambogo Chantal aho bamutegerereje ngo bamujyana mu Rukomo kuva ubwo ntitwigeze twongera kumubona".

Abaturanyi b’ uyu muryango babwiye UKWEZI ko nyuma y’uko Ngendahimana Donat na Nyirambogo Chantal bajyanye n’uyu mugore mu Rukomo baburiwe irengero bose.

Umunyamabanga Nshingwabikorwa w’ umurenge wa Shangasha RUSIZANA Joseph yabwiye UKWEZI ko amakuru y’ uko Mukabatsinda yabuze ayazi.

Yagize ati “Ayo makuru ndayazi ko Mukabatsinda yabuze ku itariki 27/1/2019 ariko ntituzi aho yaba yaragiye"

Ku bivugwa ko uyu mugore wabuze yarigishijwe n’ abantu nyuma bagatoroka, RUSIZANA ati "Ibyo sinabihamya. Kubura kwabo byaba byaratewe nuko baba bararigishije Mukabatsinda kuko abantu baragenda bakongera bakagaruka".

Abaturanyi bavuga ko uyu mugabo Makuza yahoraga aterwa ipfunwe no kuvugwaho ko yarabyaranye na Mukabatsinda Chantal agahitamo gushimuta Mukabatsinda. Hari n’ amakuru avuga ko uyu mugore yaba yarishwe.

Makuza, uzwi n’ abantu benshi muri aka gace kubera gucuruza inka yabwiye UKWEZI ko nta kibazo afitanye na Mukabatsinda cyatuma amushimutisha ngo amwicishe. Ati “Abavuga ko arinjye wamushimutishije ni urwango bamfitiye”

Makuza avuga ko Mukabatsinda magingo aya atwite inda ya Ngendahimana Donat, agakeka ko uyu Donat waburiwe irengero ariwe washimuse Mukabatsinda.

Umubyeyi wa Mukabatsinda iki kibazo yakigejeje ku biro bikuru bya polisi Kacyiru, ibi biro bisaba sitasiyo ya Polisi ya Mulindi kugikurikirana.

Charles NTIRENGANYA


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...