AMAKURU

UKWEZI
ubumwe

Gisagara/Kibilizi: Vision 2020 isanze hari abaturage batambara inkweto [AMAFOTO]

Gisagara/Kibilizi: Vision 2020 isanze hari abaturage batambara inkweto [AMAFOTO]
31-12-2019 saa 16:09' | By Nsanzimana Ernest | Yasomwe n'abantu 2344 | Ibitekerezo 1

Bamwe mu baturage bo mu karere ka Gisagara mu masaha y’ umugoroba bagaragara mu mihanda no mu dusantere batambaye inkweto. Bavuga ko ahanini babiterwa n’ amikoro make gusa hari abavuga ko harimo n’ abafite ikibazo cy’ imyumvire ikiri hasi. Umuyobozi w’ akarere ka Gisagara Rutaburingoga Jerome we yemeza ko ikibazo cyo kutambara inkweto cyacitse.

Ku wa Gatandatu tariki 28 Ukuboza 2019, ubwo umunyamakuru wa UKWEZI yageraga mu isantere ya Cyahafi mu kagari ka Duwane yahasanze abaturage benshi biganjemo abatambaye inkweto.

Umwe mu bakecuru batari bambaye inkweto yagize ati “Ukoreye amafaranga 700, uhahiye abana wakwambara inkweto uzikuyehe? Njyewe mfite abana batatu ariko mu by’ ukuri mfite umuguro umwe w’ inkweto, nzivamo umwana nawe akazambara none zaracitse. Igituma abantu hano batambara inkweto ni ubukene”.

Uyu mukecuru uri mu kiciro cya 3 cy’ ubudehe yakomeje avuga ko azi neza akamaro ko kwambara inkweto ati “Akamaro ko kwambara inkweto zirinda umwanda, gukomereka, kuzambara byandida amaga, byandida n’ imbaragasa”.

Bavuga ko iyo umuturage atambara inkweto, ajya kuburiri n’ivumbi n’ ibyondo mu birenge bigatuma mu nzu haza imbaragasa, bakarwara amavunja.

Umusore twagaraniriye uri mu kigero cy’ imyaka 25 yavuze ko muri iyi mwaka 20 ishize ya Vision 2020 hari byinshi bagejejweho n’ ubuyobozi birimo kuba muri aka karere huzuye umuhanda wa kaburimbo mu gihe ntawo bagiraga, no kuba amazi n’ amashanyarazi yarabegerejwe.

Gusa ngo ku bijyanye n’ imibereho y’ umuturage harimo ikibazo kuko hari abo usanga barashyizwe mu kiciro cya gatatu nyamara bo bakavuga ko ari abakene bo kutabona inkweto zo kwambara.

Uyu musore w’ umwarimu mu yatubwiye ko agenekeje mu baturage abona mu karere ka Gisgara asanga abatambara inkweto ari nka 20% akavuga ko bateye imbere agereranyije na mbere.

Ati “Ino kwambara inkweto byateye imbere, tutaratangira vision 2020, mu myaka ya zaa 2000 kugera muri 2004 abanyeshuri bigaga nta nkweto bambaye ariko ubu 100% umunyeshuri ariga yambaye inkweto”.

Nubwo abaturage twasanze ku isantere ya Cyahafi saa kumi z’ umugoroba batambaye inkweto barimo abari baje guhaha, abagucuruzaga n’ abandi, Umuyobozi w’ Akarere ka Gisagara aganira na UKWEZI yagaragaje ko muri rusange umuco wo kutambara inkweto wacitse avuga ko abari batazambaye ari abari bavuye mu muganda rusange usoza ukwezi kwa 12/2019.

Yagize ati “Ushobora guhura n’ abantu bavuye guhinga cyangwa bari mu rugo iwabo ariko ugiye mu muhanda ntabwo wabona abantu batambaye inkweto…abo mwabonye ku wa Gatandatu ni abari bavuye mu muganda rusange”.

Mu myaka yashize Leta y’ u Rwanda yigeze gushishikariza Abanyarwanda kwambara inkweto. Icyo gihe kuko abenshi batari bazimenyereye bazitwaraga mu ntoki cyangwa mu bikapu bagera hafi y’ ibiro by’ ubuyobozi bakazambara.

Uyu muco wo gutwara inkweto mu bikapu mu karere ka Gisagara uracyahari kuko hari umuturage wahuye n’ umunyamakuru yambaye ibirenge, umunyamakuru yamubaza impamvu yambaye ibirenge agahita akora mu gakapu k’ ubururu yari afite agakuramo inkweto akazimwereka.


Uyu muturage yahuye n’ umunyamakuru atwaye inkweto mu gikapu nyamara ari kugenza ibirenge bitambaye inkweto




INKURU ZA :
Tanga Igitekerezo
Ibitekerezo 1
shyaka Kuya 31-12-2019

Nibabahe smartphone inkweto bazazigura

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...