AMAKURU

UKWEZI
ubumwe

Leta y’u Rwanda yirukanye abasirikare n’abapolisi barimo abakuru bo ku rwego rwa Ofisiye

Leta y’u Rwanda yirukanye abasirikare n’abapolisi barimo abakuru bo ku rwego rwa Ofisiye
8-06-2019 saa 05:42' | By Chief Editor | Yasomwe n'abantu 16040 | Ibitekerezo 2

Inama y’Abaminisitiri idasanzwe yateraniye muri Village URUGWIRO kuri uyu wa Gatanu tariki 7 Kamena 2019, yemeje amateka atandukanye arimo ayo kwirukana abasirikare, abapolisi n’abashinzwe umutekano mu rwego rw’igihugu rushinzwe imfungwa n’abagororwa. Mu birukanwe na Guverinoma y’u Rwanda, harimo n’abapolisi n’abasirikare bakuru bo ku rwego rwa Ofisiye.

Iyi nama y’abaminisitiri idasanzwe, yemeje Iteka rya Perezida ryirukana ba ofisiye 5 bo mu Ngabo z’u Rwanda; Iteka rya Perezida ryirukana ba ofisiye 20 ba Polisi y’u Rwanda; Iteka rya Perezida risezerera nta mpaka ba ofisiye 30 ba Polisi y’u Rwanda; Iteka rya Perezida rishyira mu kiruhuko cy’izabukuru ba ofisiye 21 bo mu Rwego rw’Igihugu rushinzwe imfungwa n’abagororwa hamwe n’Iteka rya Perezida ryirukana ba ofisiye 4 bo mu Rwego rw’Igihugu rushinzwe imfungwa n’abagororwa.

Iyi nama y’abaminisitiri kandi yemeje Iteka rya Minisitiri ryirukana mu Ngabo z’u Rwanda Su–Ofisiye muto 1 n’abasirikare bato 18; Iteka rya Minisitiri ryirukana ba Su-ofisiye n’Abapolisi bato 101 ba Polisi y’u Rwanda, Iteka rya Minisitiri ryirukana nta nteguza ba Su-ofisiye n’Abapolisi bato 147 ba Polisi y’u Rwanda, Iteka rya Minisitiri rishyira mu kiruhuko cy’izabukuru Abasuzofisiye 69 bo mu Rwego rw’Igihugu rushinzwe imfungwa n’abagororwa hamwe n’Iteka rya Minisitiri ryirukana Abasuzofisiye n’Abawada 47 bo mu Rwego rw’Igihugu rushinzwe imfungwa n’abagororwa.

Uretse aba birukanwe, abasezerewe nta nteguza n’abashyizwe mu kiruhuko cy’izabukuru, Inama y’Abaminisitiri yanemeje Iteka rya Perezida ritiza abasirikari bo mu ngabo z’u Rwanda mu Kigo Akagera Aviation Limited. Abo ni Lt. KANYAMANZA Yahaya, Lt. MUHINDA Emmanuel, Lt. RUKUNDO Gilbert, Sgt KARENZI Issac na Pte MUGABE Joel.

JPEG - 143.7 kb

Iyi ni ifoto igaragaza bamwe mu basirikare n’abapolisi b’u Rwanda. Amazina y’abavugwa muri iyi nkuru tuzayabagezaho nasohoka mu Igazeti ya Leta


INKURU ZA :
Tanga Igitekerezo
Ibitekerezo 2
kurenganyabibi Kuya 8-06-2019

Mujye mwitonderavibi byemezo byo kwirukana. Nigeze kwirukanwa hagendewe ku rwango gusa. Aikipe yakoze iperereza ku makosa nashinjwaga yasanze nta cyaha mfute. Ariko kuberako hari akagambane icyemezo cyarafashwe none ubu ni kuri black list. Nzarenganyrwa n’Imana yo izi ko ndi umwere.
Abasigaye mubatabare

kurenganyabibi Kuya 8-06-2019

Mujye mwitonderavibi byemezo byo kwirukana. Nigeze kwirukanwa hagendewe ku rwango gusa. Aikipe yakoze iperereza ku makosa nashinjwaga yasanze nta cyaha mfute. Ariko kuberako hari akagambane icyemezo cyarafashwe none ubu ni kuri black list. Nzarenganyrwa n’Imana yo izi ko ndi umwere.
Abasigaye mubatabare

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...