konka coffee
KONKA

AMAKURU

UKWEZI

Huye: Babiri mu bageragezaga kwiba ahari kubakwa umuhanda barashwe bahita bapfa

Huye: Babiri  mu  bageragezaga kwiba ahari kubakwa umuhanda barashwe bahita bapfa
27-07-2018 saa 11:48' | By Vincent Nsengiyumva | Yasomwe n'abantu 6847 | Ibitekerezo

Mu ijoro ryo kuri uyu wa Kane tariki ya 26 Nyakanga 2018, agatsiko k’abajura kagiye kwiba ibikoresho bya Kompanyi y’Abashinwa bari kubaka umuhanda Huye – Nyamagabe, mu Mudugudu wa Kagoma, Akagari ka Shyembe Umurenge wa Maraba mu Karere ka Huye , abashinzwe umutekano babarasaho babiri bahita bapfa.

Aba barashwe bagahita bapfa ni Nzungize Vital w’imyaka 26 na mugenzi we Sibomana.

Ibi byabaye mu ijoro ahagana mu ma saa tanu, aho agatsiko k’abajura batandatu bageze ahabikwa ibikoresho maze batangira gutemagura abazamu babirarira, nibwo batabazaga inzego zishinzwe umutekano zihita zihagera.

Umuvugizi wa Polisi mu Ntara y’Amajyepfo CIP Emmanuel Kayiigi yahamirije ikinyamakuru Ukwezi.com iyi nkuru, avuga ko abajura 2 barashwe bagahita bapfa, bagenzi babo 3 bo bakaba bahise bafatwa.

Yagize ati “Abajura bateye abakozi bararira ibikoresho bya societe Chinese road RB ikora umuhanda Huye-Nyamagabe batema abazamu babirarira 3 babakomeretse mu mutwe bikomeye. Abo bakomerekejwe ni Hakizimana Emanuel 35 w’imyaka, Irambona Alfred w’imyaka 20 na Nyandwi Aloys w’imyaka 45.”

Yakomeje avuga ko aba aba bazamu batabaje inzego z’umutekano zitabaye zisakirana n’abo bajura bashaka kubarwanya maze babarasaho, babiri muri bo bahita bapfa abandi 3 batabwa muri yombi.

Yagize ati “Mu gushakisha abo bajura, hari babiri babonetse bikoreye ingunguru na fer à beton bari bibye, bakubitanye n’inzego z’umutekano zirabarasa. Bombi bahise bapfa. Bagenzi babo batatu nabo baje gukurikiranwa barafatwa.”

CIP Kayigi akomeza avuga ko aba bajura bose ari abo mu Mudugudu wa Kagoma, Akagari ka Shyembe Umurenge wa Maraba.

Abakomeretse bari kuvurirwa ku Kigo Nderabuzima cya Maraba ndetse n’imirambo y’abarashwe yajyanywe mu Bitaro bya CHUB.

Ubuyobozi n’inzego z’umutekano baramukiye mu nama bashishikariza abaturage gukomeza kugira uruhare mu kwicungira umutekano mu gihe mu Ntara y’Amajyepfo hakunze kuvugwa ibikorwa by’ubujura bya hato na hato.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...