AMAKURU

UKWEZI
ubumwe

Huye: Imvura idasanzwe yateje umwuzure wica inkoko 1000 z’ umuturage [AMAFOTO]

Huye: Imvura idasanzwe yateje umwuzure wica inkoko 1000 z’ umuturage [AMAFOTO]
2-09-2019 saa 12:07' | By Nsanzimana Ernest | Yasomwe n'abantu 4391 | Ibitekerezo 4

Umuturage witwa Twizeyimana Vincent wari ufite ubworozi bw’ inkoko zirimo iz’ inyama n’ izitera amagi ari mu gihombo gikomeye nyuma y’ uko atewe n’ amazi akica inkoko zose yari yoroye.

Byatewe n’ imvura idasanzwe yaguye ku mugoroba wo kuri iki Cyumweru tariki 1 Nzeli 2019.

Uyu muturage wo mu mudugudu wa Nyanza Akagari ka Rukira umurenge wa Huye avuga ko yakoze uko ashoboye ariko byose bikaba iby’ ubusa.

Twizeyimana yari yoroye inkoko 1000 zirimo iz’ inyama 550 n’ izitera amagi zigera kuri 500. Izi nkoko nta n’ imwe yarokotse.

Amazi yaturutse ku muhanda uri haruguru y’ urugo rwe yinjira mu biraro by’ inkoko zose zirarengera.

Twizeyimana wari ufite indeni rya Banki yafashe kugira ngo yagure ubworozi bw’ inkoko avuga ko ageraranyije yahombye miliyoni 4 z’ amafaranga y’ u Rwanda kuko n’ urukuta rw’ amatafari yubatse narwo rwasenywe n’ amazi yari yuzuye mu rugo.

Uyu muturage yari yarubatse ibiraro agenda ashyiramo amatiyo asohora amazi ariko amazi yatewe n’ imvura yo kuri uyu mugoroba warishije imbaraga aya matiyo.

Aganira na UKWEZI yagize ati “Imvura yampitiyeho ndi kugira ngo nyayobye ariko biranga. Nahise mbwira madamu asohora abana kugira ngo n’ inzu itaza kugwa bayirimo.”

Yakomeje agira ati “Byampombeje amafaranga menshi kuko ejobundi hari umukiriya wari waje ashaka kungura izi nkoko zari hafi gutangira gutera inkoko buri nkoko imwe akayigura 4000 wakuba nawe ukumva ayo yari kuzampa ku nkoko zirenga 450”.

Twizeyimana avuga ko inkoko z’ inyama 550 zo zari zifite agaciro ka miliyoni 2. Igicuta cyasenyutse cyamutwaye arenga miliyoni.

Akomeza agira ati “Ziriya z’ inyama zo zampombeje amafaranga menshi kuko nazibaragamo miliyoni 2 n’ ibihumbi 500. Leta bangiriye neza bamfasha kuko hari n’ ideni rya banki nari narafashe”

Uyu mugabo bigaragara ko akirimo muto avuga ko yatangiye yigomwa ari umumotari atwara velo moteur kuko yari afite intego ariko bimwe mu byo yagezeho byose byasenyutse abireba abura icyo akora.





INKURU ZA :
Tanga Igitekerezo
Ibitekerezo 4
prophete Kuya 3-09-2019

Muvandi, wihangane pe! Gusa nibagufasha uzibuke unyishyure ay’inkoko 7 za koloilla wahereyeho kuko wankujeho urabizi!

Nakwifurije ko zakororoka ukazoroza n’abandi ariko shitani ibyivanzemo, isomo mbona ni uko nta kunyoterwa n’ibyisi ngo tubigurane abantu, kuko uteye atyo byanze bikunze umubi amukoza isoni.

Pole sana Bro

prophete Kuya 3-09-2019

Muvandi, wihangane pe! Gusa nibagufasha uzibuke unyishyure ay’inkoko 7 za koloilla wahereyeho kuko wankujeho urabizi!

Nakwifurije ko zakororoka ukazoroza n’abandi ariko shitani ibyivanzemo, isomo mbona ni uko nta kunyoterwa n’ibyisi ngo tubigurane abantu, kuko uteye atyo byanze bikunze umubi amukoza isoni.

Pole sana Bro

Alfa Kuya 2-09-2019

Pole sana bro! Nukuri ukwiye gufashwa. Ministère ishinzwe ubworozi nigutabare ndetse ifatanye n’iy’ibiza

JNT Kuya 2-09-2019

RETA IREBE UKUNTU IGUSHUMBUSHA WIFASHISHE MINIMAR KUKONABYO NIBIZA

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...