AMAKURU

UKWEZI
pax

Huye : Umusaza wari uragiye inka 6 hafi y’Akagera yishwe, inka zirabura

Huye : Umusaza wari uragiye inka 6 hafi y’Akagera yishwe, inka zirabura
29-06-2020 saa 12:37' | By Nsanzimana Ernest | Yasomwe n'abantu 3999 | Ibitekerezo 4

Umusaza witwa Ndabunguye Vincent w’imyaka 57 wari uragiye inka ze 6 yishwe n’abantu bataramenyekana inka zirabura birakekwa ko zibwe.

Byabereye mu kagari ka Shori mu murenge wa Gishamvu mu karere ka Huye mu ijoro ryo kuri iki Cyumweru rishyira tariki 29 Kamena 2020.

Umunyamabanga Nshingwabikorwa w’Umurenge wa Gishamvu Nkubana Vianney yabwiye UKWEZI ko aya makuru bayamenye saa sita z’ijoro bayahawe n’umuryango wa nyakwigendera.

Avuga ko aya makuru akimara kumenyekana inzego z’umutekano, abaturage n’irondo n’ubuyobozi bihutiye kugera mu gishanga cy’Akagera aho uyu musaza yari aragiye.

Ndabunguye yavuye mu rugo nimugoroba yahuye inka ze abo mu muryango we bategereza ko acyura baraheba. Umurambo we wabonetse mu gishanga cy’Akagera ufite ibikomere mu nda no mu maso. Akagera kavugwa muri iyi nkuru ni umugezi muto unyura muri uyu murenge wa Gishamvu mu karere ka Huye.

Abaturage batuye hafi y’aho byabereye bavuga ko uyu musaza ashobora kuba yagambaniwe kugira ngo inka ze zibwe.

Gitifu Nkubana avuga ko ari ubwa mbere mu murenge wa Gishamvu habaye ikibazo nk’iki.

Yihanganishije umuryango wa Nyakwigendera, anasaba abaturage kujya batangira amakuru ku gihe no kujya birinda kujya ahantu hashobora kubashyira mu kaga kuko ngo nk’aho uyu musaza yari aragiye ntabwo irondo rihagera.

Ati “Turabasaba ko ikibazo kikiba bajya bihutira kubimenyesha ubuyobozi, wenda birashoboka ko iyo tuza kuba twatangiye mu ma saa moya dushakisha tuba twamaze kugira ibyo tubona”.


Aha ni kwa nyakwigendera Ndabunguye Vincent


Umwe mu baturage yerekana aho umurambo wa Ndabunguye bawusanze

Abaturage bavuga ko uyu musaza yari asanzwe ahengera umugoroba ugeze akahura inka, bagakekwa ko yabiterwaga n’uko kuragira inka ku gasozi bitemewe.

Nyakwigendera Ndabunguye Vincent yasize umugore n’abana 6. Umurambo we wajyanywe ku bitaro bya CHUB mu gihe iperereza rikomeje.


INKURU ZA :
Tanga Igitekerezo
Ibitekerezo 4
Venuste Kuya 4-07-2020

none se Akagera gahurira hehe n’Akarere ka Huge koko ?

Hakizimana Lucien Kuya 29-06-2020

N’ukwihangana kabisa lmana imwakire mubwami bwayo

Hakizimana Lucien Kuya 29-06-2020

N’ukwihangana kabisa lmana imwakire mubwami bwayo

Karemera Kuya 29-06-2020

None se i Huye haba ikibaya cy’akagera ? akagera KO gatangirira hano Karumuna kaba kageze Huye gute ?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...