AMAKURU

UKWEZI
ubumwe

Huye: Uwafunguwe yiciye umugore we mu nzira, harakekwa amakimbirane yari yihishe

Huye: Uwafunguwe yiciye umugore we mu nzira, harakekwa amakimbirane yari yihishe
9-09-2019 saa 14:07' | By Nsanzimana Ernest | Yasomwe n'abantu 6012 | Ibitekerezo 2

Mu Murenge wa Maraba mu Karere ka Huye umugabo witwa Nsabimana Straton ari gushakishwa n’inzego z’umutekano kubera icyaha akekwaho cyo gukubita umugore we akamwica, icyatumye uyu mugabo yiyicira umugore we ntabwo kiramenyekana ariko harakekwa ikimbirane rishingiye ku mwana umugore we yabyaye igihe uyu mugabo yari afunze.

Ku mugoroba wo kuri uyu wa 8 Nzeri 2019, nibwo uyu mugabo Straton yakubitiye mu nzira umugore we Mukakabayiza Marie wari ufite imyaka 48 bimuviramo urupfu.

Uyu mugore yari yagiye kwa nyinawabo yajyanye n’ umugabo kuko hari habaye umuhango wo kuraga, bavuyeyo bajya kwa nyirasenge wa nyakwigendera naho hari ibirori. Aha hombi babakiriye baranywa ariko ngo ntibari basinze nk’ uko byemezwa n’ abaturanyi babo.

Amakuru Umunyamabanga Nshingwabikorwa w’ Umurenge wa Maraba Hakuzimana Jean Baptiste yahawe n’ umwana w’ imyaka 10 wa Straton na Mariya bari kumwe ni uko imbarutso yabaye ko Mariya yakandagije umugabo we ikirenge kiriho amase.

Yagize ati “Umudamu yakandagiye umugabo mu kirenge harimo amase ngo aramwanduza, ubwo umugabo n’ umujinya mwinshi ati ‘ukanyanduza?’ batangira gutyo bacyocyorana umugabo amukubise inshyi, amukubise imigeri, ni uko amutaho ariruka ajya mu rugo bagira ngo agiye kuzana mitiweri ariko mu mwanya muto uwo mugore yari amaze kwitaba Imana”.

Gitifu Hakuzimana yagiye mu rugo rwa nyakwigendera asanga ni urugo rwifashije rufite amatungo menshi ndetse ngo yanaganiriye n’ abaturanyi bamubwira ko nta makimbirane yabaga muri uru rugo uretse ikibazo kimaze imyaka irenga 8.

Yagize ati “Icyagaragaye nk’ intandaro twaketse ko ari nk’ ikimbirane ryari ryihishe ni uko uyu mugabo yari yarafunzwe, hari hashize nk’ imyaka 8 afunguwe. Umugore yari yarabyaye umwana, aho umugabo aziye ntiyabyakiriye neza ariko yari yarabyihanganiye ntibyagaragaraga nk’ ikibazo gusa uwo mwana yari asigaye aba kwa nyinawabo”.

Umurambo wa nyakwigendera wajyanywe mu bitaro bya Kaminuza bya Butare CHUB kugira ngo ukorerwe isuzuma.

Uyu mugabo bahimba Rutoni yabonye ibyo bibaye ahita atoroka n’ ubu ntabwo arafatwa gusa inzego z’ umutekano ziri kumushakisha.


INKURU ZA :
Tanga Igitekerezo
Ibitekerezo 2
Coco Claudia Kuya 14-09-2019

Umuntu wize avuga akandika inkurungo *harakekwa ikimbirane* ibyo si ubunyamwuga pe

AKASE Kuya 12-09-2019

NUKO MWABIFATIRA UMWANZURO

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...