AMAKURU

UKWEZI
ubumwe

Maj. Gen. Bayingana yagizwe Umugaba Mukuru w’Ingabo zirwanira mu Kirere

Maj. Gen. Bayingana yagizwe Umugaba Mukuru w’Ingabo zirwanira mu Kirere
3-09-2019 saa 07:35' | By Nsanzimana Ernest | Yasomwe n'abantu 11022 | Ibitekerezo

Perezida wa Repubulika Paul Kagame akaba n’Umugaba w’Ikirenga w’Ingabo z’u Rwanda (RDF) yakoze impinduka mu gisirikari, aho Maj Gen Emmanuel Bayingana yagizwe Umugaba Mukuru w’Ingabo zirwanira mu Kirere.

Itangazo rya RDF ryasohotse mu ijoro ryo kuri uyu wa 2 Nzeri 2019, rivuga ko Brig Gen Vincent Nyakarundi we yagizwe Umuyobozi Mukuru w’Ishami rishinzwe Ubutasi bwa Gisirikari (Military Intelligence).

Col Andrew Nyamvumba we yagizwe Umuyobozi w’Ishami ry’Ubushakashatsi n’Iterambere rya gisirikari muri Minisiteri y’Ingabo. Iri tangazo rivuga ko izi mpinduka zitangira gukurikizwa mu gihe itangazo risohokeye.

Gen Maj Emmanuel Bayingana yari asanzwe ari Umuyobozi wa ZIGAMA CSS , uyu mwanya yawugiyeho m’ Ukwakira 2018 asimbuye Gen Maj Albert Murasira wagizwe Minisitiri w’ingabo asimbura Gen James Kabarebe.

Maj. Gen Bayingana mbere y’ uko agirwa Umuyobozi wa Zigama CSS yari asanzwe ari umuyobozi wungirije w’Itorero ry’igihugu.

Maj. Gen. Bayingana yagizwe umugaba mukuru w’ ingabo zirwanira mu kirere yasimbuye Maj. Gen Charles KARAMBA uherutse kugirwa ambasaderi w’u Rwanda muri Tanzania.

Maj. Gen. Karamba yabaye Umugaba Mukuru w’Ingabo zirwanira mu kirere kuva itariki 28 Ukwakira 2015 kugeza tariki 15 Nyakanga 2019.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...