konka coffee
KONKA

AMAKURU

UKWEZI
Minijust

Imirambo 8 muri Rweru u Burundi buti ’ni iy’ u Rwanda’, u Rwanda ruti ’Rweru si irimbi ryacu’

Imirambo 8 muri Rweru u Burundi buti ’ni iy’ u Rwanda’, u Rwanda ruti ’Rweru si irimbi ryacu’
5-03-2019 saa 13:04' | By Nsanzimana Ernest | Yasomwe n'abantu 2891 | Ibitekerezo

Guverinoma y’ u Rwanda yavuze ko imirambo umunani iherutse kuboneka mu kiyaga cya Rweru ireremba atari iy’ Abanyarwanda ahubwo ko ishobora kuba ari iy’ Abarundi ni mu gihe u Burundi nabwo buvuga ko iyo mirambo ari iy’Abanyarwanda.

Mu kwezi gushize nibwo radio y’igihugu cy’u Burundi yavuze ko mu kiyaga cya Rweru ku ruhande rw’u Burundi mu Ntara ya Kirundo komini Busoni, habonetse imirambo umunani ireremba hejuru y’amazi, inzego z’ubuyobozi mu Burundi zikavuga ko yaturutse mu Rwanda.

Nubwo bimeze gutyo ariko Umuvugizi wa Guverinoma y’ u Rwanda akaba na Minisitiri w’ Ububanyi n’ amahanga amb. Dr Richard Sezibera yavuze ko iyo mirambo atari iy’ Abanyarwanda kuko u Rwanda rudashyingura mu kiyaga cya Rweru.

Yagize ati “Imirambo ya Rweru, narabibabwiye amarimbi y’u Rwanda arazwi anateganywa n’ igazeti ya Leta. Ntabwo Rweru ari irimbi ry’u Rwanda. Nta mirambo y’Abanyarwanda ijyayo, kandi abo babivuga iyo mirambo imwe iba iri mu biyaga indi iri mu bishanga by’iwabo, indi iri mu mazu y’iwabo, igomba kuba ari ho iva”

Abakoresha imbuga nkoranyamba by’ umwihariko Twitter bavuga ko iyi mirambo ari iy’Abarundi b’ Abatutsi baba barahunze batahuka bakicwa n’ Imbonerakure zikabajugunya muri iki kiyaga.

Ikibazo cy’ imirambo ijugunywa mu Kiyaga cya Rweru kiri ku mupaka w’ u Rwanda n’ u Burundi cyaherukaga kuvikana muri Kanama 2014. Icyo ihe nabwo polisi y’ u Rwanda yavuze ko iyo mirambo atari iy’ Abanyarwanda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...