AMAKURU

UKWEZI
cheno 2020

Ingabo z’u Rwanda zarasanye n’iz’u Burundi butakaza umwe

Ingabo z’u Rwanda zarasanye n’iz’u Burundi butakaza umwe
10-05-2020 saa 16:11' | By Nsanzimana Ernest | Yasomwe n'abantu 3607 | Ibitekerezo

Igisirikare cy’ u Rwanda cyatangaje ko tariki 08 Gicurasi 2020, mu Murenge wa Rweru mu Karere ka Bugesera mu Burasirazuba bw’u Rwanda zaharwaniye n’ ingabo z’u Burundi.

Itangazo ryashyizwe ahagaragara n’igisirikare cy’u Rwanda rivuga ko intandaro ari uko abarobyi b’i Burundi barimo baroba mu kiyaga cya Rweru gihuriweho n’ibihugu byombi barenze urubibi rw’Igihugu cyabo, bavogera amazi yo ku ruhande rw’u Rwanda.

Mu gihe Ingabo z’u Rwanda (RDF) zasabaga abo barobyi gusubira ku ruhande rw’igihugu cyabo, abasirikare b’u Burundi ngo bahise baza gushyigikira abo barobyi, batangira kurasa ku ngabo z’u Rwanda, na zo zirabasubiza mu rwego rwo kwitabara.

Ubutumwa bugaragara ku rubuga rwa Minisiteri y’Ingabo mu Rwanda buravuga ko Abarundi bashotoye u Rwanda basubiye iwabo, kandi ko nta musirikare w’u Rwanda wakomerekeye muri uko kurasana.

Ubwo butumwa busoza buvuga ko urubibi rw’u Rwanda n’u Burundi ruri ahantu hazwi mu kiyaga cya Rweru, kandi ko byoroshye kurubona hifashishijwe cyane cyane ikoranabuhanga rya GPS.

Amakuru yatanzwe mu itangazamakuru n’inzego z’umutekano mu Burundi avuga ko hari umusirikare umwe w’iki gihugu wapfuye ubwo habagaho uku kurasana. U Burundi buvuga ko bwarashe ku Rwanda mu rwego rwo kubuza Ingabo zarwo guta muri yombi abo barobyi bari barenze amazi.

Ikiyaga cya Rweru gihuza u Rwanda n’u Burundi binyuze mu Karere ka Bugesera mu Murenge wa Rweru n’Intara ya Kirundo mu Burundi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...