AMAKURU

UKWEZI
ubumwe

RDF yasinyanye amasezerano y’ ubufatanye n’ ingabo za Leta ya Nebraska yitezweho byinshi

RDF yasinyanye amasezerano y’ ubufatanye n’ ingabo za Leta ya Nebraska yitezweho byinshi
12-12-2019 saa 15:22' | By Nsanzimana Ernest | Yasomwe n'abantu 2024 | Ibitekerezo

Kuri uyu wa 12 Ukuboza 2019, I Kigali mu Rwanda habereye isinywa ry’ amasezerano y’ ubufatanye hagati y’ Ingabo z’ u Rwanda (RDF) n’ingabo za Leta ya Nebraska yo muri Leta Zunze ubumwe za Amerika.

Leta ya Nebraska ni imwe muri Leta 53 zigize Leta zunze ubumwe za Amerika, iherereye mu gihugu hagati ariko ku ruhande rw’ Iburengerazuba.

Aya masezerano hagati ya RDF n’izi ngabo zizwi nka Nebraska National Guard, akubiyemo ubufatanye mu guhanahana ubumenyi mu bikorwa birimo ubutabazi no guhangana n’ingaruka z’ibiza ndetse n’ibijyanye no guhugura abasirikare mu bikorwa byo kugarura amahoro nk’ uko byatangajwe n’ umuvugizi w’ ingabo z’ u Rwanda Lt Col Innocent Munyengango.

Umwe mu basirikare b’ ingabo za Nebraska Maj. Gen. Daryl L. Bohac ati “Nziko amahirwe mu bijyanye n’ imyitozo, ubunararibonye by’ umuco no kugurana ibitekerezo mu mwuga bizabyararira inyungu Nebraska National Guard n’ u Rwanda mu myaka iri imbere.”

Ambasaderi wa Leta zunze ubumwe za Amerika mu Rwanda Peter Vrooman agira ati “Ntewe ishema no kubona iterambere ry’ imikoranire hagati y’ u Rwanda na Nebraska.”

Ambasaderi Vrooman avuga ko Abanya- Nebraska basanzwe bafatanya n’ u Rwanda mu bijyanye no kubungabunga ibihingwa ati “Abaturage b’ ibihugu byombi bazabyungukiramo”.


Umugaba Mukuru w’ ingabo z’ u Rwanda Gen. Jean Bosco Kazura na Maj. Gen. Daryl L. Bohac nibo bashyize umukono kuri aya masezerano

Igisirikare cy’ u Rwanda gisanzwe gifite amanota meza mu bijyanye no kubungabunga amahoro hirya no hino ku Isi ndetse nirwo rwego Abanyarwanda bafitiye icyizere kurusha izindi nk’ uko bigaragazwa n’ ubushakashatsi bukorwa n’ Urwego rw’ igihugu cy’ imiyoberere RGB.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...