AMAKURU

UKWEZI
RPF

Kamonyi: Umusore yishe umukunzi we wamusuye bakararana, ngo banateganyaga ubukwe vuba

Kamonyi: Umusore yishe umukunzi we wamusuye bakararana, ngo banateganyaga ubukwe vuba
14-07-2018 saa 12:37' | By Chief Editor | Yasomwe n'abantu 20182 | Ibitekerezo 2

Umusore w’imyaka 28 y’amavuko wari utuye mu mudugudu wa Rubumba, mu kagari ka Ruyenzi ko mu murenge wa Runda mu karere ka Kamonyi, mu masaha ya mugitondo cyo kuri uyu wa Gatandatu tariki 14 Nyakanga 2018, yishe umukobwa w’imyaka 24 y’amavuko basanzwe bakundana, uyu bakaba bari bararanye kuko umukobwa yari yavuye iwabo mu Burengerazuba bw’u Rwanda aje gusura uwo yihebeye. Yamwishe amukubise umuhini arangije anamukerera ijosi.

Uyu musore witwa Ngayaboshya Emmanuel hamwe n’umukunzi we Dusabimana Betty, bombi bakomoka mu karere ka Karongi mu Burengerazuba bw’u Rwanda, ariko uyu musore yari amaze igihe aba mu murenge wa Runda muri Kamonyi kubera impamvu z’akazi.

Mwizerwa Rafiki, Umunyamabanga Nshingwabikorwa w’umurenge wa Runda, yahamije iby’aya makuru mu kiganiro yagiranye n’ikinyamakuru Ukwezi.com. Yadutangarije ko uyu mukobwa yari yavuye i Karongi akaza gusura uyu musore bakararana mu nzu, nyuma bakaza kurwana bikagera ubwo umusore yica umukobwa.

Mwizerwa Rafiki ati: "Bari bararanye mu nzu, umukobwa yari yamusuye, icyo bapfuye cyo sinakimenya ariko mu gitondo mu masaha ya saa kumi n’ebyiri n’igice bumvise abantu barwanira mu nzu, mu gihe batabaza rero ngo bashake ubatabara kuko hari hakinze, umusore amukubita umuhini arangije aramukerera n’icyuma. Rero abantu bagiye kubasha kwica urugi yamaze kumwica, ubwo uwo munyacyaha nyine yafashwe n’umurambo twawujyanye ku bitaro bya Remera Rukoma..."

Yakomeje agira ati: "Uwo musore avuka i Karongi, ariko amaze igihe kirekire inaha [muri Runda] kumwe abantu baza gushaka ubuzima, n’uwo mukobwa rero yari yaje kumusura aturutse i Karongi urumva ko ari uw’iwabo. Bari basanzwe baziranye ariko uburyo bari bakundanye nibyo ntamenya kuko urumva ni abantu ba kure, ariko kugirango ave i Karongi aze kumusura ni uko bari baziranye"

Hari abaturage bo muri aka gace bavuga ko umusore yiyemerera icyaha akanavuga ko barwanye biturutse ku cyangombwa cy’ubutaka uyu mukobwa yashakaga gutwara kugirango umusore atazagurisha uwo mutungo, bakabiheraho bavuga ko bari bafite gahunda ihamye yo kuzabana vuba.

Ubwo twateguraga iyi nkuru kandi, hari umuturage wo mu karere ka Karongi wadutangarije ko aba bantu abazi ndetse ngo Emmanuel na Betty basanzwe bakundana kuburyo binazwi ko bateguraga kuzakora ubukwe mu gihe cya vuba, akavuga ko byanashoboka ko mu byo bapfuye harimo no kuba baba bagize ibyo batumvikana ku hazaza h’urukundo no kubana kwabo.

UMVA IYI NKURU MU MAJWI UKO UBUYOBOZI BUBISOBANURA HANO:


INKURU ZA :
Tanga Igitekerezo
Ibitekerezo 2
Kalisa Emile Kuya 17-07-2018

OYA AHUBWO SI IBYO KUKO MU KARERE KA KAMONYI IBIHABERA NI AMAHANO WAGIRANGO UBUYOBOZI BUHAYOBORA NTIBUZI ICYO BUKORA. NONE SE NI GUTE BURI GIHE ARIHO HIRIRWA HAVUGWA IBIKORWA BYURUGOMO . NIBO BAFITE AMATEGEKO YABO ABAGENGA SE ATARI AYAHANDI. BIRABABAJE UREBYE UBUSINZI BUHARI. HARI ZA RUYENZI, BISHENYI NA ZA GIHARA WAGIRANGO BABA MU KUZIMU NIHO HATAGIRA AMATEGEKO AHAGENGA. INZEGO NKURU ZIGIHUGU CYACU NIZIREBE ICYO ZIKORA MU MAGURU MASHYA NAHO UBUNDI AMAZI ASHOBORA KURENGA INKOMBE

DAMIEN HARELIMANA Kuya 15-07-2018

UWO MUSORE WISHE UMUKUNZI WE AHANWE HAKURIKIJWE AMATEGEKO ,ARIKO JYEWE MBONA AKWIRIYE IGIHANO CY’URUPFU NUKO CYAKUWEHO.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...