AMAKURU

UKWEZI
ubumwe

Kamonyi: Yadukiriye abo yahuraga na bo agenda abatemagura umwe ahasiga ubuzima

Kamonyi: Yadukiriye abo yahuraga na bo agenda abatemagura umwe ahasiga ubuzima
19-07-2019 saa 23:10' | By Chief Editor | Yasomwe n'abantu 6571 | Ibitekerezo 3

Umugabo utaramenyekana umwirondoro we, mu masaha y’umugoroba wo kuri uyu wa Gatanu tariki 19 Nyakanga 2019, yadukiriye abantu bose yahuraga nabo mu mudugudu wa Rukaragata mu kagari ka Gihara mu murenge wa Runda mu karere ka Kamonyi, arabatema ateshwa amaze gutema batatu baje no gupfamo umwe.

Uwo mugabo ntasanzwe azwi muri ako gace ndetse n’abaturage batuye ahabereye ayo mahano ntawabashije kumumenya nk’uko byemejwe n’Umunyamabanga Nshingwabikorwa w’Akagari ka Gihara mu kiganiro yagiranye n’ikinyamakuru Ukwezi.

Uwo mugabo bamwe bakeka ko yaba afite ikibazo cyo mu mutwe, yadukiriye abantu bahuriye mu nzira arabatema, abasha gukomeretsa batatu barimo uwakomerekejwe cyane ajyanwa mu bitaro bya Kaminuza bya Kigali bizwi nka CHUK ariko nyuma y’akanya ahageze aza gushiramo umwuka nk’uko Umunyamabanga Nshingwabikorwa w’Akagari ka Gihara yabihamirije ikinyamakuru Ukwezi.

Kugeza ubu uwo watemye abantu yatawe muri yombi akaba akomeje gukorwaho iperereza hanashakishwa umwirondoro we. Gusa ntibyoroshye kumumenya kuko inzego z’ibanze n’iz’umutekano bamubajije icyamuteye kubikora akanga kubavugisha nk’ubu Umunyamabanga Nshingwabikorwa w’Akagari ka Gihara abihamya. Hagati aho abandi bakomeretse barimo kwitabwaho n’abaganga.


INKURU ZA :
Tanga Igitekerezo
Ibitekerezo 3
nduhuyabagabo chrisostome Kuya 23-07-2019

uwo muntu akurikuranwe kuko ibyo yakoze ari icyaha,ikindi kandi ajyanwa kwa muganga harebwe niba afite ikibazo cyo mu mutwe.

kana Kuya 22-07-2019

Ahubwo nakomeza kwigira ikiragi nawe bamuteme yumve uko bibabaza, barongeye se kdi

John NGABONZIZA Kuya 20-07-2019

Hasigaye hariho abagome babona bamaze kugomera abantu banafashwe bakigira ibiragi ,RIB imukurikirane byimbyitse arashyira avuge!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...