konka coffee
KONKA

AMAKURU

UKWEZI

Kigali: Imbwa zirimo iya ‘Mudugudu’ zariye abana n’amatungo y’abaturage

Kigali: Imbwa zirimo iya ‘Mudugudu’  zariye abana  n’amatungo y’abaturage
28-05-2018 saa 20:05' | By Akayezu Jean de Dieu | Yasomwe n'abantu 2805 | Ibitekerezo

Bamwe mu baturage bo mu mudugudu wa Tubungo, akagari ka Ruriba mu murenge wa Kigali akarere ka Nyarugenge ho mu Mujyi wa Kigali baratabaza bashyira mu majwi ubuyobozi bw’akagari ko butabumva mu bibazo byabo bafite bavuga ko imbwa z’umuyobozi w’umudugudu n’iz’umuturanyi wabo zahutse mu matungo y’abaturage zirya inka n’ihene ngo hari n’umwana zariye nyuma aravuzwa arakira.

Izi mbwa zazengereje abaturage bo mu mudugudu wa Tubungo ngo imwe ni iya mudugudu izindi nyingo zikaba iz’uwitwa Gakuba Claude aho bivugwa ko ngo zariye ihene zigera ku 8 mu mudugudu wose ngo zanariye inka y’umuturage ajya kuregera ubuyobozi bw’akagari buramurerega birangira atishyuwe n’uyu Gakuba.

Aba baturage bavuga kandi imbwa y’umukuru w’umudugudu yo yaje kugera aho nyirayo arayica ariko ngo iza Gakuba Claude zo yaranangiye yanga kuzica cyangwa kuzifungira iwe dore ko kuri ubu ngo zikomeje kubazengereza zirya amatungo yabo bakaba bavuga ko ngo Gakuba Claude avuga ko atazabishyura.

Gakuba Claude yemera ko imbwa ze hari amatungo y’abaturage zariye ariko akavuga ko yemera kwishyura umuntu umwe gusa kuko ngo iki kibazo yabwiye ubuyobozi kuza kwica izi mbwa ze ba gitifu ngo bakaba baranze kwica izi mbwa.

Yagize ati “Hari umwana umwe twaburanye mu kagari noneho ndamubwira nti ngewe ibyo bintu by’umudugudu sinshobora kubyemera izo mbwa zirahari barazizi nahereye ryari mbabwira nti nibazice ba gitifu ntibabikora nan’ubu ziracyahari”

Umuyobozi w’akagari ka Ruriba, Ndeze Patrice avuga ko iki kibazo akizi aho avuga ko hari imbwa nyinshi zairirwaga zizerera mu baturage kandi zagombaga gutegwa zikicwa ariko ngo kuri ubu bitewe n’imvura nyinshi ntabwo kuzitega ntabwo byaborohera.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...