AMAKURU

UKWEZI

Kigali: Umugore yahanutse mu igorofa rya 10 muri hoteli ahita apfa, bikekwa ko yiyahuye

Kigali: Umugore yahanutse mu igorofa rya 10 muri hoteli ahita apfa, bikekwa ko yiyahuye
18-11-2018 saa 19:29' | By Chief Editor | Yasomwe n'abantu 18694 | Ibitekerezo 14

Olga Mugege, umurundikazi ufite ubwenegihugu bw’u Bubiligi, yahanutse mu igorofa rya hoteli Ubumwe Grande iherereye mu mujyi wa Kigali rwagati, ahita ashiramo umwuka. Amakuru atangazwa n’abakozi b’iyi hoteli avuga ko ibi yabikoze mu rwego rwo kwiyahura aho bikekwa ko yari afite ibibazo kuko yageze muri iyi hoteli atameze nk’uko asanzwe ayijyamo ameze.

Ibi byabaye ahagana saa tatu n’igice z’ijoro ryo kuri uyu wa Gatandatu, aho ubuyobozi bwa hoteli bwatangaje ko uyu mugore w’imyaka 36 yijugunye hasi avuye mu igorofa rya 10 agahita apfa, umurambo ugahita ujyanwa ku bitaro bya Kacyiru ngo ukorerwe isuzuma.

Amakuru atangazwa n’abakozi b’iyi hoteli yemeza ko uyu mugore yari asanzwe akunda kujyana muri iyo hoteli n’umugabo w’umuzungu, kuri iyi nshuro bwo akaba yarahageze batari kumwe kandi ngo yahamaze umwanya munini kuko yageze kuri hoteli saa saba akahaguma kugeza yiyahuye mu masaha ya saa tatu n’igice z’ijoro.

Olga Mugege ateruye umwana yabyaranye n’umugabo batandukanye

Hari amakuru avuga kandi ko yari yarashakanye n’umuzungu ariko bakaza kugirana ibibazo kuburyo bari baranatandukanye. Amakuru twabashije kumenya ni uko yakoreraga Ikigo BurdaEastAfrica aho yari umukozi ushinzwe kugenzura ibijyanye n’imishinga (Project Manager).

Mbere yaho yakoze imyaka 10 muri Bank of New York Mellon mu mujyi wa Brussels mu Bubiligi, akaba yaranakoze imyaka irenga 3 i London mu Bwongereza aho yari ashinzwe ibijyanye no gukurikirana iby’agaciro k’ifaranga ry’igihugu n’uko rivunjwa mu mafaranga y’amahanga. Olga yari afite impamyabumenyi y’ikirenga mu by’ubucuruzi mpuzamahanga yakuye muri Kaminuza yo mu Bubiligi yitwa EPHEC (École pratique des hautes études commerciales).

JPEG - 33.2 kb

Uyu mugore yasimbutse iyi hoteli avuye mu igorofa ryayo rya 10


INKURU ZA :
Tanga Igitekerezo
Ibitekerezo 14
Firimini Kuya 4-12-2018

Nyakwigendera imana imuhe iruhuko ridashyira

positive Kuya 4-12-2018

RIB Olga.
ntaheza hisi, amahoro ari ahandi hatari kuri iyi Si.

ANI7 Kuya 28-11-2018

RIP OLGA

rugori armel Kuya 20-11-2018

ntamuzuko wu wiyahuye

rugori armel Kuya 20-11-2018

ntamuzuko wu wiyahuye

toto Kuya 20-11-2018

Ese aya makuru avuga story y ubuzima bwe , ibyo kuba yaratandukanye n umugabo , aho yakoraga mbere n imyaka yahakoze, mwabibwiwe n iki? ese hari abo mu muryango we baba babonetse?

munyemana Kuya 19-11-2018

RIP Madame OLGA.It is very sad.Yari akiri muto at 36 years.Ariko nk’Abakristu,tujye twibuka ko hazabaho "Umuzuko" (Resurrection) w’abantu bapfuye bizera Imana.Nukuvuga abayumvira bakayikorera.Kubera ko twese dupfa,niyo mpamvu Yesu yasize adusabye "gushaka mbere na mbere ubwami bw’imana" aho guhera mu byisi gusa.Soma Matayo 6:33.Jyewe ubandikira,maze kubona ko abantu bose barware,basaza,bapfa,etc...nafashe icyemezo cyo kwiga neza bible,irampindura.Hanyuma nkajya mu nzira nkabwiriza ubwami bw’imana,kubera ko muli Yohana 14:12,Yesu yasabye Abakristu nyakuri kumwigana nabo bakajya mu nzira bakabwiriza.
Mbifatanye n’akazi gasanzwe kandi ndabishobora.Nawe ubishatse wabishobora,kugirango Yesu azakuzure ku Munsi wa nyuma,aguhe ubuzima bw’iteka nkuko yabidusezeranyije muli Yohana 6:40.

Pasi Kuya 19-11-2018

Burya koko ibuye rimeneka urwondo rugisukuma
Ukuntu yari aumutwe wuzuye ubwenge afite amahiwe yo kubaho neza none umutwe yawumenye amafaranga arayata ahitamo kwipfira mu gihe njye utagira icyo ndiho ndacyahanyanyaza

Pasi Kuya 19-11-2018

Burya koko ibuye rimeneka urwondo rugisukuma
Ukuntu yari aumutwe wuzuye ubwenge afite amahiwe yo kubaho neza none umutwe yawumenye amafaranga arayata ahitamo kwipfira mu gihe njye utagira icyo ndiho ndacyahanyanyaza

UWAMUNGU JEAN BAPTISTE Kuya 19-11-2018

Mu byukuri nta heza h’isi koko! Uwakumva CV y’uwo nyakwigendera,wakumva yari yarageze iyo ajya! Ariko mu isi nta mahoro, afitwe na Yesu gusa. Birababaje nta kundi iryo niryo ribaye iherezo rye. Ikibabaje nuko ahungiye imbeho mu mazi! Nawe urumva uwiyahuye uwo asanze.........

Loko Kuya 19-11-2018

Iriya hoteli yakoze ikosa ryo gushyira pisci e hejuru yayo. Kunyereea ukagwa hasi muri m50 nabonye byagwira umuntu wese.
Bagimbaga kuzitira bihagije cg se ikahava completely kuko butiya iridutse yakwangiza byinshi mu mugi wa Kigali.
Ntawakwemeza ko uriya mugore yiyahute. Ariko hotel nta kundi yabivuga

MUPENZI INNOCENT Kuya 19-11-2018

ubu ni uburwayi bwibasiye isi ni depression bigera naho umuntu yiyahura kubera agahinda

NIYIRERABAYO Valens Kuya 18-11-2018

Ariko buriya abantu bafata icyemezo cyo kwiyahura ntibaba bafite ikibazo mumutwe? Gusa buri muntu ajye afata umwanya asengere abarwayi nibura 30sec/day

NIYIRERABAYO Valens Kuya 18-11-2018

Ariko buriya abantu bafata icyemezo cyo kwiyahura ntibaba bafite ikibazo mumutwe? Gusa buri muntu ajye afata umwanya asengere abarwayi nibura 30sec/day

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...