konka coffee
KONKA

AMAKURU

UKWEZI

Kigali: Umurambo w’umumotari watoraguwe mu muhanda

Kigali: Umurambo w’umumotari watoraguwe mu muhanda
5-06-2018 saa 08:41' | By Akayezu Jean de Dieu | Yasomwe n'abantu 7207 | Ibitekerezo 1

Mu rukerera rwo kuri uyu wa Kabiri tariki 5 Kamena 2018, mu mudugudu wa Kabizoza, akagari k’Agateko, mu murenge wa Jali akarere ka Gasabo ho mu Mujyi wa Kigali hatoraguwe umurambo w’umumotari wari uri mu muhanda rwagati kugeza n’ubu hakaba hakomeje kwibaza icyaba cyateye uru rupfu.

Umugabo wakoraga akazi ko gutwara abagenzi kuri moto (Umumotari), bivugwa ko yitwa Nshimiyimana Deogratias yasanzwe mu muhanda rwagati yamaze kwitaba Imana, aho abamubonye basanze yapfuye ndetse na moto imuryamye hejuru.

Nyakwigendera Nshimiyimana yari atwaye moto ifite ibirango RD410K, aho bivugwa ko ashobora kuba yaguye kubera ubunyerere nk’uko byahamijwe n’Umunyamabanga Nshingwabikorwa k’Agateko, Mbonyinshuti Eugene.

Yagize ati “Kugeza ubu icyaba cyamwishe ntabwo kiramenyekana ariko ukurikije ahantu ari bigaragara ko ari ubunyerere moto yari atwaye yanyereye iramugusha kuko iyo moto urabona kask yari yambaye yaguye indi yamugumye mu mutwe na moto yamuguye hejuru”

Kuri ubu nyakwigendera yahise ajyanwa ku bitaro bya Polisi biherereye Kacyiru mu karere ka Gasabo aho umurambo wagiye gukorerwa isuzuma kugira ngo hamenye icyahitanye uyu mumotari mu gihe iperereza rigikomeje ngo hamenyekane n’umuryango we ashyingurwe.


INKURU ZA :
Tanga Igitekerezo
Ibitekerezo 1
byiringiro innocent Kuya 6-06-2018

mubafashe

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...