AMAKURU

UKWEZI
pax

Musanze : 23 bafatiwe mu rugo rw’umuturage basengera covid-19

Musanze : 23 bafatiwe mu rugo rw’umuturage basengera covid-19
13-05-2020 saa 14:32' | By Nsanzimana Ernest | Yasomwe n'abantu 1739 | Ibitekerezo

Abantu bagera kuri 23 bafatiwe mu rugo rw’umuturage witwa Habumuremyi Jean Baptiste w’imyaka 40 bari gusengera umwana urwaye, ari nako basenga ngo Imana ikize Isi covid-19.

Byabereye mu murenge wa Muhoza mu karere Musanze Intara y’Amajyaruguru nk’uko umuvugizi wa Polisi y’u Rwanda muri iyo ntara CIP Alex Rugigana yabitangarije RBA.

Mu batawe muri yombi bafungiye kuri sitasiyo ya Muhoza harimo na nyiri urugo aba bantu bafatiwemo.

CIP Rugigana avuga ko icyatumye aba bantu barenga ku mabwiriza ari uko bafite imyumvire y’uko gusengera umurwayi byamukiza atagiye kwa muganga.

Yagize ati “Aba bantu bose bagiye guterana bajya gusenga kandi amabwiriza avuga ko insengero zifunze”.

Akomeza agira ati “Abaturage baje kuduha amakuru ko hari abantu bari gusenga barimo n’uyu Habumuremyi Jean Baptiste bateraniye iwe, mu by’ukuri barenze ku mabwiriza yo gukumira covid-19”.

CIP Rugigana ati “Harimo ikintu twakwita nk’imyumvire itameze neza y’aba bantu, kuko twagiyeyo dusanga barimo baresengera ko Imana yadukiza covid-19, icya kabiri hari n’undi muturage wari ufite umwana urwaye nawe ngo bahahuriye kugira ngo bamusengere umwana we akire atagiye kwa muganga.”

Polisi ivuga ko aba baturage barenze ku mabwiriza bayazi kuko hashize iminsi irenga 40 aya mabwiriza yigishwa. Ikindi ngo ibyo bakoze byari bibangamiye abaturage kuko abaturage ubwabo aribo bitangiye amakuru.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA