AMAKURU

UKWEZI
ubumwe

Musanze: Umuyobozi w’ikigo cy’amashuri yishwe atemaguwe, harakekwa umugabo we

Musanze: Umuyobozi w’ikigo cy’amashuri yishwe atemaguwe, harakekwa umugabo we
21-05-2019 saa 08:46' | By Chief Editor | Yasomwe n'abantu 8985 | Ibitekerezo 1

Mu masaha y’umugoroba wo kuri uyu wa Mbere tariki 20 Gicurasi 2019, umuyobozi w’ikigo cy’amashuri cya G.S Kabere mu karere ka Musanze witwaga Ntakirutimana Eustochie, yishwe atemaguwe aho bikekwa ko umugabo we Ndahayo Jean de Dieu w’imyaka 45 yaba ari we wamwivuganye agahita atoroka.

Mbabazi Modeste, Umuvugizi w’Urwego rw’Ubugenzacyaha RIB, yabwiye ikinyamakuru Ukwezi ko byabaye koko, uwo Ndahayo ukekwa akaba arimo gushakishwa n’inzego zitandukanye zirimo RIB ndetse na Polisi kugirango hakorwe iperereza ku cyaha akekwaho.

Nyiramahoro Adelaide, Umunyamabanga Nshingwabikorwa w’Umurenge wa Kimonyi mu karere ka Musanze ahabereye ubwo bwicanyi, nawe yahamirije ikinyamakuru Ukwezi ko Ndahayo Jean De Dieu ari we ukurikiranyweho icyaha cyo kwica umugore we, akanavuga ko bari basanzwe babanye nabi ndetse yari yaramuharitse.

Nyiramahoro Adelaine yabwiye Ukwezi ko Ndahayo na Ntakirutimana bari bamaze imyaka myinshi babana ariko bakaba batarigeze babyarana, uyu mugabo akaba yari yaramuharitse ashaka undi mugore banafitanye abana ari naho yari amaze iminsi aba.

Uyu muyobozi avuga ko muri iyi minsi uyu mugabo yaje mu rugo rwe aho yari amaze igihe kibarirwa mu cyumweru kimwe, akaba yaranabwiye bamwe mu baturanyi be ko yagarutse mu rugo rwe, benshi bikabatungura kuko yari yaramutaye akajya kwibanira n’uwo babashije kubona urubyaro.


INKURU ZA :
Tanga Igitekerezo
Ibitekerezo 1
jean Bosco Habirora Kuya 22-05-2019

Ndabona mufite amakuru meza cyane!
muzagerageze muyashyire no kuri YouTube kugirango urubyiruko narwo ruyakurikirane thx

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...