konka coffee
KONKA

AMAKURU

UKWEZI

Nyabimata: Abitwaje Imbunda bateye SACCO bica abantu, bakomeretsa benshi banatwika imodoka

Nyabimata: Abitwaje Imbunda bateye SACCO bica abantu, bakomeretsa benshi banatwika imodoka
20-06-2018 saa 08:25' | By Akayezu Jean de Dieu | Yasomwe n'abantu 12520 | Ibitekerezo 17

Mu ijoro ryo ku wa Kabiri rishyira ku wa Gatatu tariki 20 Kamena 2018, abajura bitwaje intwaro bagabye igitero mu kagari ka Nyabimata mu murenge wa Nyabimata, akarere ka Nyaruguru barasa abantu babiri barapfa bakomeretsa Umuyobozi w’Umurenge, n’abandi benshi banashimuta abandi bantu benshi barimo abanyerondo kuri ubu bakaba baburiwe irengero bikekwako bashimuswe n’aba bajura

Bivugwa ko aya mabandi yitwaje intwaro yageze muri aka gace ahagana saa sita z’ijoro aho barashe abantu babiri mu mudugudu wa Rwerere aka kagari ka Nyabimara muri uyu Murenge, bamaze kuhava bakomereza kuri Koperative Sacco Ukuri Nyabimata bashimuta abari baraye izamu kuri iyi koperative.

Umwe mu baturage batuye muri aka gace yabwiye Ikinyamakuru Ukwezi.com ko mu bakomerekeye muri iki gitero cyagabwe n’amabandi harimo Umunyamabanga Nshingwabikorwa w’Umurenge wa Nyabimata, Nsengiyumva Vincent, harimo kandi na Munyaneza Fidele n’abandi batatu, batwaye abantu benshi harimo abanyerondo bari ku murenge nurinda SACCO kugeza ubu abo bantu ntibaraboneka ndetse n’abaturage ngo ntibaramenya irengero ryabo

Aba bajura kandi batwitse imodoka ya Gitifu n’icumbi yabagamo, batwitse moto ya Havugimana JMV bita Nyangezi ndetse hanakekwa ko bamutwaye barakomeza bajya muri santeri ka Rumenero basahura butike ebyiri barazangabaza.

Mu itangazo rigenewe abanyamakuru Polisi y’u Rwanda yashyize ahagaragara kuri uyu wa Gatatu yavuze ko aba bagizi ba nabi brashe abantu 5 babiri barapfa, naho 3 barakomereka barimo Umunyamabanga nshingwabikorwa w’uwo murenge. Abakomeretse bajyanywe mu bitaro bya Munini aho bari kwitabwaho n’abaganga.

Rikomeza rigira riti “Abo bagizi ba nabi banatwitse imodoka y’Umunyamabanga Nshingwabikorwa, banagerageza no kwiba SACCO ya Nyabimata ariko ntibashobora kugira icyo batwara.

Banateye kandi muri santeri yubucuruzi ya Rumenero, bahiba ibintu bitandukanye byiganjemo ibiribwa barabijyana.

Bateye baturutse mu gace k’ishyamba rya Nyungwe gahana imbibi n’igihugu cy’u Burundi, ari nayo nzira bongeye gucamo bagenda.”

Polisi y’u Rwanda yakomeje ivuga ko kuri ubu Inzego z’umutekano zihutiye gutabara no gushakisha abagizi ba nabi. Abayobozi n’abashinzwe umutekano bakoranye inama n’abaturage yo kubahumuriza mu gihe hagishakishwa abo bagizi ba nabi.


INKURU ZA :
Tanga Igitekerezo
Ibitekerezo 17
XXXX Kuya 16-08-2018

KONUMVA NGO INGABOZACU NUMUTAMENWA NKABA NUMVA BARAZIMENEYEMO ? ZARIRAYE NTIZARARIRIGIHUGU AHUBWO REKABAKIBAFATANE HAGOWABATURAGE BATEMWA BURIMUNSI

XXXX Kuya 16-08-2018

KONUMVA NGO INGABOZACU NUMUTAMENWA NKABA NUMVA BARAZIMENEYEMO ? ZARIRAYE NTIZARARIRIGIHUGU AHUBWO REKABAKIBAFATANE HAGOWABATURAGE BATEMWA BURIMUNSI

Bosco Kuya 1-07-2018

abarinda amafaranga Bose bagomba guhabwa intwaro (weapon)ntamikino mu mafaranga

jose Kuya 25-06-2018

turabirambiwe

santos Kuya 22-06-2018

abo bana b’abanyarwanda ko bafite imico itari myiza se ba di!!!!

Cacana Kuya 21-06-2018

Kabarebe ati Fdlr ntiyamara umunota 1 k ubutaka bw u Rwanda none ndumva bano bamaze ijoro ryose! Fdrl ije yamara iminsi ingahe ko numva bariya baje ari ubuvivi bwayo! Nyamara mwitonde imizinga ishobora kuvamo imyibano! Fpr itugeze ahabi bizayigaruka.

Cacana Kuya 21-06-2018

Kabarebe ati Fdlr ntiyamara umunota 1 k ubutaka bw u Rwanda none ndumva bano bamaze ijoro ryose! Fdrl ije yamara iminsi ingahe ko numva bariya baje ari ubuvivi bwayo! Nyamara mwitonde imizinga ishobora kuvamo imyibano! Fpr itugeze ahabi bizayigaruka.

Habimana Kuya 21-06-2018

Abashaka umutekano tugomba kwigira i Kigali kuko niho haba umutekano gusa kugira ngo twereke abanyamahanga ko u Rwanda rutekanye.Twihutire kwibera i Kigali. Bugarama baraduhitanye na none Nyaruguru! !!!!××

Habimana Kuya 21-06-2018

Abashaka umutekano tugomba kwigira i Kigali kuko niho haba umutekano gusa kugira ngo twereke abanyamahanga ko u Rwanda rutekanye.Twihutire kwibera i Kigali. Bugarama baraduhitanye na none Nyaruguru! !!!!××

baziramwabo JM vianeey Kuya 20-06-2018

Abashaka kudusubiza aho twavuye babakumire

baziramwabo JM vianeey Kuya 20-06-2018

Abashaka kudusubiza aho twavuye babakumire

alexis Kuya 20-06-2018

muragira muti amabandi yateye , aturutse mw’ishyamba, azenguruka umurenge yica abaturage akomeretsa abandi akoresheje imbunda , yinjira muri bank avamo ajya muri centre apakurura amaduka, atwika imodoka atwika motto, atwika inzu, arangije arangi atwara bunyago abarotse amasasu, maze muti POLICE yatabaye!!!!

ndoba Kuya 20-06-2018

indakangwa salvation army batangiye akazi ko kubohora abanyarwanda ku ngoyi y’igitugu big up freedom fighters big up Rwanda

Bugingo Kuya 20-06-2018

Ndibuka ubwo Kabarebe yavugaga ngo FDRL iteye ntiyamara umunota 1 idapfuye.None se ubu ibi byabaye bivuze iki?Ni igitangaza.

Honore Kuya 20-06-2018

data weeeee birababaje cyane rwose police ikore akazi kayo

UWAMUNGU JEAN BAPTISTE Kuya 20-06-2018

Birakwiriye ngo izo nyangabirama zifatwe zishyikirizwe ubugenzacyaha
Kandi nizeye ntashidikanya umutekano w’igihugu cyacu.

L7cky2 Kuya 20-06-2018

Aba bajura ko ari hatari ra?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...