AMAKURU

UKWEZI
cheno 2020

Nyagatare: Gitifu yatawe muri yombi na RIB akekwaho ubuhemu

Nyagatare: Gitifu yatawe muri yombi na RIB akekwaho ubuhemu
22-11-2019 saa 11:04' | By Nsanzimana Ernest | Yasomwe n'abantu 9082 | Ibitekerezo

Urwego rw’ Igihugu rw’ ubugenzacyaha RIB rwataye muri yombi Umunyamabanga Nshingwabikorwa w’ akagari ka Kagitumba, umurenge wa Matimba mu karere ka Nyagatare akurikiranyweho icyaha cy’ ubuhemu.

Mukarugwiza Olive yatawe muri yombi tariki 19 Ugushyingo 2019 ,afungiye kuri RIB sitasiyo ya Nyagatare nk’ uko umuvugizi wa RIB Marie Michelle Umuhoza yabitangarije UKWEZI. Umuhoza nta byinshi yatangaje kuri iki kibazo ngo baracyari mu iperereza.

Amakuru dufite ni uko Mukarugwiza Olive yaba yarahemukiye abakora irondo ry’ umwuga mu kagari ayoboye ntabahembere igihe nyamara abaturage batanga amafaranga y’ umutekano. Bivugwa ko aba banyerondo b’ umwuga bamaze amezi ane badahembwa.

Ubuhemu ni icyaha gihanwa n’ ingingo ya 322. Umuntu wese ukoresha uburiganya bwo kwihesha cyangwa gutagaguza, yangiriza undi, ibintu ibyo ari byo byose yarindishijwe kandi agomba kubisubiza cyangwa kubikoresha umurimo abwiwe, ahanishwa igifungo kuva ku mwaka umwe (1) kugeza ku myaka itatu (3) n’ ihazabu y’ amafaranga y’u Rwanda kuva ku bihumbi magana abiri (200.000) kugeza kuri miliyoni imwe (1.000.000).

Mu gihe ibyaha biteganyijwe mu gika cya mbere cy’ iyi ngingo bikozwe n’ umwe mu bashyingiranywe,ategekwa gusubiza ibyo yari yarindishijwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...