AMAKURU

UKWEZI
pax

Nyamagabe : Umuforomo akurikiranyweho gusambanya umwana wari ugiye kwipimisha inda

Nyamagabe : Umuforomo akurikiranyweho gusambanya umwana wari ugiye kwipimisha inda
16-06-2020 saa 19:07' | By Nsanzimana Ernest | Yasomwe n'abantu 7840 | Ibitekerezo 1

Umuyobozi w’Ikigo Nderabuzima cya Kibilizi mu murenge wa Kibilizi mu karere ka Nyamagabe yatawe muri yombi akekwaho gusambanya umwana w’imyaka 17 wari uje kuri iki kigo kwipimisha inda.

Byabereye mu murenge wa Kibilizi Akagari ka Bugarura, Umudugudu wa Uwinyana kuri uyu wa 15 Kamena 2020 saa saba z’amanywa.

Bivuga ko uyu mwana yagiye kwiyandikisha mu bazahabwa ifu ya shisha kibondo no kwisuzumisha kuko asanzwe atwite. Umuforomo ngo yamujyanye mu cyumba gisuzumirwamo abagore batwite aramusambanya.

Uyu mwana tutari butangaze amazina ku mpamvu z’umutekano we ngo yatashye abibwira nyina, nyina ahita afata uyu mwana ngo basubire ku kigo nderabuzima kubaza ibyabaye bahura n’uyu muforomo aje kubareba ngo basibanganye ibimenyetso.

Mu bimenyetso uyu mukobwa yabwiye polisi byerekana ko yasambanyijwe harimo ibara rya mucikopa uyu muforomo yari yambabye.

Aho uyu mukobwa w’imyaka 17 yasambanyijirijwe hagaragaye ibimenyetso cy’uko iki cyaha cyahabereye.

Umuvugizi wa Polisi y’u Rwanda mu Ntara y’Amajyepfo CIP Twajamahoro Sylvestre aganira na UKWEZI yavuze ko aya makuru nabo bayamenye, ndetse ko uyu muforomo yamaze gutabwa muri yombi.

Yagize ati “Ayo makuru polisi yayamenye, ndetse uwo muforomo yatawe muri yombi afungiye kuri polisi sitasiyo ya Gasaka mu gihe hagikorwa iperereza”.


INKURU ZA :
Tanga Igitekerezo
Ibitekerezo 1
Habineza james Kuya 18-06-2020

Kimenya ibara rya mucikopa ntabwo cyaba ikimenyetso kuko umuntu ashobora kunama ikagaragara

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...