konka coffee
KONKA

AMAKURU

UKWEZI
ubumwe

Nyamasheke: Uwarokotse Jenoside yishwe avuye mu nama

Nyamasheke: Uwarokotse Jenoside yishwe avuye mu nama
16-04-2019 saa 11:28' | By Nsanzimana Ernest | Yasomwe n'abantu 11568 | Ibitekerezo 7

Umukecuru w’ imyaka 68 warokotse Jenoside yakorewe abatutsi Nyiranzaramyabera Specioza birakekwa ko yishwe n’ abantu bataramenyekana avuye mu nama ku murenge.

Amakuru y’ urupfu rwa nyakwigendera wari umukecuru w’ umuhinzi yamenyekanye mu gitondo cyo kuri uyu wa Kabiri tariki 16 Mata 2019.

Nyakwigendera yaguye mu kagari ka Kigarama , Umudugudu wa Gisagara mu karere ka Nyamasheke Intara y’ Iburengerazuba.

Kimana Kanyogote Juvenal, Umunyamabanga Nshingwabikorwa w’ Umurenge wa Kanjongo yabwiye Ikinyamakuru UKWEZI ko nyuma yo kumenya amakuru y’ urupfu rwa Nyiranzaramyabera Specioza bahise bajya gukorana inama n’ abaturage.

Yagize ati “Ubu turi mu nama n’ abaturage…Yaguye mu kagari ka Kigarama Umudugudu wa Gisagara. Amakuru tukiri gukurikirana ni uko yishwe mu ijoro yari avuye kuri SACCO avuye kureba amafaranga ariya agenerwa abageze mu zaburu ya VUP.”

Gitifu yakomeje avuga ko Specioza ejo bari kumwe mu nama ku murenge y’ abarokotse Jenoside yakorewe abatutsi. Uyu mukecuru yavuye mu nama ahitira kuri banki kubikuza amafaranga y’ inkunga ya VUP igenerwa abageze mu zabukuru.

Magingo aya ntabwo haramenyekana niba ubu bwicanyi bufitanye isano n’ ingengabitekerezo ya Jenoside cyangwa niba ari ubugizi bwa nabi busanzwe.

Umurambo wa Nyakwigendera Nyiranzaramyabera wajyanywe mu bitaro bya Kibogora kugira ngo ukorerwe isuzuma. Hari amakuru avuga ko ashobora kuba yakubiswe ikintu mu mutwe kuko ababonye umurambo bavuga ko yari yavuye amaraso menshi mu mutwe.

Nyakwigendera Nyiranzaramyabera Specioza abana be n’ umugabo bishwe muri Jenoside yakorewe abatutsi.


INKURU ZA :
Tanga Igitekerezo
Ibitekerezo 7
francois Kuya 22-04-2019

bakaze amarondo

Munyentabana JMV Kuya 19-04-2019

Nyamara nubwo tuvuganye ngo Ni leta mbi yabashutse mbona nabo barabishakaga kuko ntiwaba warashutswe nyuma wamenya ko wahemutse hanyuma ugakomeza, ahubwo ni imitima yabo mibi. Amaraso mwamennye mukaba mukomeje kuyamena azabomaho mwebwe n’urubyaro rwanyu kuko ni umuvumo mwikururiye. Ubuterahamwe mwaburemwemo.

iganze Kuya 18-04-2019

Erega amashitani yabateye gutsemba abatutsi aracyabarimo nta nuwamenya igihe azabaviramo

gallic Kuya 18-04-2019

harya ngo ni leta yabatumye ubuse mwatumwe na nde mwavuze ko ariko mwacutse, uyu we naruhukire mu mahoro.

fifi Kuya 17-04-2019

Ariko aba bene gahini bakaba n’abuzukuru ba shitani bazicana kugeza ryari koko?wagira ngo bonse amaraso.ese ubu bo babona bazabaho ubudapfa ra?nta bucucu nko kwica umuntu ejo ukamukurikira.Uwo mukecuru Imana imwakire kandi asibye umwobo we mu gihe uwabo usigaye urangaye.

Jean Kuya 16-04-2019

Bafate ifoto yanyuma yi mboni ya maso ye baramenya uwo mugizi wanabi.
Birababaje cyane.
Imana imwakire mu bayo.

KALISA CALLIXTE Kuya 16-04-2019

ibi bintu birakabije cyane kuki ubugome butabashiramo mwa bicanyi mwe?ese mwe mutekereza ko mutazapfa???wenda ntawuzabaziza icyo muri cyo ariko muzapfa kandi nzi neza ko amaraso y’umuntu agukurikirana kugeza iteka .nimwice nimuruha muzarekera,nabibutsaga ko NTAWUZABAZWA IBYO YAKOREWE AHUBWO AZABAZWA IBYO YAKOZE.iryo ni ijambo ry’Imana.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...