AMAKURU

UKWEZI
cheno 2020

Nyarugenge: Abarimo uwafashe video y’ umukobwa bari kumwangiza igitsina bakatiwe imyaka 25

Nyarugenge: Abarimo uwafashe video y’ umukobwa  bari kumwangiza igitsina bakatiwe imyaka 25
17-03-2020 saa 11:05' | By Nsanzimana Ernest | Yasomwe n'abantu 7760 | Ibitekerezo 1

Urukiko rwisumbuye rwa Nyarugenge rwakatiye abakobwa 5 n’umuhungu umwe igifungo cy’imyaka 25 no gutaka ihazabu y’amafaranga y’ u Rwanda 4 470 425 nyuma yo kubahamya ibyaha birimo no kwangiza imyanya y’ibanga y’umukobwa witwa Sandrine.

Tariki 27 Gashyantare 2020 nibwo urwego rw’ igihugu rw’ ubugenzacyaha RIB rwataye muri yombi abaregwa uko batandatu bo mu murenge wa Kimisigara mu karere ka Nyarugenge bakekwaho ibyaha birimo gukubita no gukomeretsa mugenzi wabo, kugeza ubwo bamwangije imyanya ndangagitsina.

Ibi byaha bwakozwe tariki 18 Gashyantare, ndetse Zaina wayoboye ikorwa ry’iki cyaha yari inshuti na Sandrine wagikorewe baza gupfa umugabo.

Tariki 5 Werurwe abaregwa aribo Nkamiro Zaina, Umulisa Gisele, Kamanzi Cyiza Cardinal, Umuhoza Tonny, Umuhoza Rosine, Umutoni Hadidja na Uwimana Zainabu bagejejwe imbere y’urukiko rwisumbuye rwa Nyarugenge urubanza rutangira kuburanishwa.

Ubwo bitabaga urukiko ku munsi wa mbere bose bahakanye icyaha cy’ubwinjiracyaha mu bwicanyi. Icyo gihe urubanza rwahise ruburanishwa mu mizi hatabayeho kuburana ifungwa n’ifungurwa ry’agateganyo umucamanza avuga bitewe ni uko abaregwa bose bafatiwe mu cyuho.

Mu iburanisha niho ubushinjacyaha bwavugiye ko Zaina yafashe amashusho akoresheje telefone ubwo we na bagenzi bariho bogosha Sandrine na girete nyuma yo kumukuramo imyenda.

Umucamanza amaze kumva impande zombi yategetse ko urubanza ruzasomwa ku wa 16/03/2020 saa saba z’amanywa ariko rwaje gusubikwa rusomwa taliki 17, Werurwe, 2020 saa mbiri za mu gitondo.

Kuri uyu wa 17 ubwo urukiko rwisumbuye rwa Nyarugenge rwasomaga uru rubanza rwategetse ko telefone 6 z’abaregwa zitezwa cyamunara amafaranga agashyirwa mu isanduku ya Leta.

Ababuranyi bombi nta n’umwe wari mu rukiko mu isomwa ry’urubanza. Urubanza rwakunze kwitabirwa n’abantu benshi ariko isomwa ryarwo ntabwo ryitabiriwe cyane. Bishoboka ko ari ukubera icyorezo cya coronavirus kuko muri iki gihe abantu batemerewe guteranira hamwe ari benshi.

Umunyamakuru w’Umuseke witabiriye isomwa ry’uru rubanza avuga ko abitabiriye iri somwa bari hagati ya 10 na 15 barimo batanu bo mu muryango wa Zaina.


INKURU ZA :
Tanga Igitekerezo
Ibitekerezo 1
DUMBULI Kuya 18-03-2020

Gusa bakoze amakosa y’indengakamerebemere bahanwe nibajurira bazabakubira kabiri , nabonye barazaga mu rukiko baseka ntacyo bibabwiye nkibaza icyo bari bishingikirije, naho ni ubu sitari budashinga, ubu rero nibwo bagiye kwicuza cyane cyane bibuke amakosa bakoze, uburoko buraryana cyanentibapfa no guseka, uburoko buraryana weee! bagiye gusazira no gupfira mu buroko nyuma bazasange abana basize bafite abuzukuru bo batarabyaye bibuke ko bakoze ibibi.Bihangane bibabere isomo..

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...