AMAKURU

UKWEZI
ubumwe

Nyarugenge: Karaningufu yaraye avuze ko afite akabeho bucya yapfuye

Nyarugenge: Karaningufu yaraye avuze ko afite akabeho bucya yapfuye
21-12-2019 saa 10:41' | By Nsanzimana Ernest | Yasomwe n'abantu 7081 | Ibitekerezo

Umugabo w’ imyaka 39 wakoraga akazi ko kwikorera imizigo yabonetse mu gitondo cyo kuri uyu wa Gatandatu tariki 21 Ukuboza 2019 yabonetse yapfiriye mu gikari cy’ akabari.

Tuyisenge Emmanuel w’ imyaka 39 avuka mu karere ka Karongi mu murenge wa Rugabano. Abari baturanye nawe mu murenge wa Gitega akagari ka Kigarama mu mudugudu w’ Umucyo bavuga ko yari amaze iminsi yivuza.

Umwe mu batuye hafi y’ aho uyu murambo wabonetse yatangarije UKWEZI ati “Umurambo bawusanze mu gikari cy’ akabari kanditseho 5/5 kari munsi y’ ikicaro gikuru cy’ Ikigo cy’ Igihugu cy’ iteganyagihe Meteo Rwanda”

Umunyamabanga Nshingwabikorwa w’ Umurenge wa Gitega Nyamutera Innocent yatangarije UKWEZI ko uyu mugabo bikekwa ko yaba yishwe n’ indwara gusa ngo abaganga nibo bazapima umurambo bakamenya neza icyamwije.

Yagize ati “Abaganga nibamara gupima umurambo nibo baraza kugaragaza icyamwishe. Ejo yari yagiye kwivuza, yari afite n’ ibinini, bigeze nimugoroba avuga ko atangiye kugira akabeho, niko yavuze, twarebye dusanga ayo makuru ntitwayashingiraho twahamagaye RIB na Polisi. Muri make ntacyo twemeje ariko birakekwa ko yaba yishwe n’ uburwayi”.

Saa tatu z’ amanywa imodoka ya Polisi yageze aho uyu murambo wari uri irawujyana kugira ngo upimwe harebwe icyateye urupfu rwa Tuyisenge Emmanuel.


Imodoka ya polisi itwara imirambo, net photo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...