konka coffee
KONKA

AMAKURU

UKWEZI

Perezida Kagame yagiye kureba imyitozo y’Ingabo z’u Rwanda yambaye gisirikare - Amafoto

Perezida Kagame yagiye kureba imyitozo y’Ingabo z’u Rwanda yambaye gisirikare - Amafoto
11-12-2018 saa 17:20' | By Vincent Nsengiyumva | Yasomwe n'abantu 4856 | Ibitekerezo 1

Perezida wa Repubulika y’u Rwanda akanaba Umugaba w’Ikirenga w’Ingabo z’igihugu, Paul Kagame, yagiye i Gabiro mu Burasirazuba bw’u Rwanda gukurikira imyitozo y’ingabo z’igihugu yambaye gisirikare, asura ingabo anihera ijisho ibikorwa by’imyitozo bakora.

Kugaragara yambaye umwambaro wa gisirikare ku mukuru w’Igihugu byatunguye benshi kuko yabiherukaga mu myaka 18 ishize.

Iyo myitozo yiswe "Exercise Hard Punch" ibaye ku nshuro ya Gatatu, aho iya mbere yakozwe mu mpera za 2016 indi igikorwa mu mpera za 2017 kandi yose isozwa ku mugaragaro na Perezida Kagame.

Iyi myitozo yasojwe kuri uyu wa Kabiri tariki ya 11Ukuboza 2018, yari imaze amezi atatu.

Muri iyi myitozo yasojwe, ingabo zagaragazaga uburyo bwo gukoresha intwaro zitandukanye, inini n’intoya mu gihe bari guhangana n’umwanzi.

Hakoreshejwe intwaro zinyuranye kandi z’ubwoko bwose, ari izirwanishirizwa mu kirere, izirwanishirizwa ku butaka, aho bishoboka hagakoreshwa n’izirwanishirizwa mu mazi.

Mu ijambo yagejeje ku ngabo n’abayobozi batandukanye bamuherekeje kuri iki kigo i Gabiro Perezida Kagame yavuze ko umuntu wese uzagerageza guhungabanya umutekano w’u Rwanda azatsindwa.

Perezida Kagame yabwiye ingabo zasoje imyitozo ko bakwiye gukoresha ibyo bafite kuko ntabyo gupfa ubusa bihari, abasaba gukoresha bike bafite bakagera kuri byinshi.

Ati “Nta kazi katunanira na busa igihe ibitekerezo ari bizima, imico ari mizima. Nta kazi katunanira, nta na busa. Ibyo mwumva hirya no hino bizarangirira mu bitekerezo gusa.”

Yakomeje agira ati “Hari ubwo twajyaga ku rugamba dufite amasasu icumi mu mbunda mu gihe abanzi bacu babaga bafite amasasu ijana. Ariko kugira ngo utsinde intambara ntibisaba ko uba ufite amasasu ijana, iyo amasasu ashize, ni wowe uba usigaye ngo ugere ku ntego.”

Perezida Kagame yakurikiye imyitozo ya y’ingabo z’igihugu ari kumwe n’abandi bayobizi bakuru b’igihugu

Perezida yatunguranye ubwo yagaragaraga mu myambaro ya gisirikare

Iki gikorwa kibaye ku nshuro ya gatatu

Abasirikare bamaze amezi 3 mu myitozo bagaragaje ubuhanga bafite mu bijyanye no guhangana n’umwanzi

JPEG - 80.6 kb

Ubwo umukuru w’igihugu yaganirizaga abitabiriye iki gikorwa

JPEG - 172.8 kb
JPEG - 90.7 kb

Yitegereza uko imyitozo yakorwaga

JPEG - 92.5 kb

Yari kumwe n’abayobozi bakuru b’urwego rw’igisirikare

JPEG - 97.7 kb

Maj Gen Jean Bosco Kazura araganira na General Kabarebe

JPEG - 90.9 kb


INKURU ZA :
Tanga Igitekerezo
Ibitekerezo 1
hagenimana spirian Kuya 11-12-2018

aba barayo bye nibata he neza bashaka kumena amaraso ntayo dushaka

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...