konka coffee
KONKA

AMAKURU

UKWEZI

Perezida Kagame yahishuye uko babonaga amasasu ku rugamba batayaguze batanasahuye

Perezida Kagame yahishuye uko babonaga amasasu ku rugamba batayaguze batanasahuye
12-12-2018 saa 09:27' | By Chief Editor | Yasomwe n'abantu 4534 | Ibitekerezo

Perezida wa Repubulika y’u Rwanda akaba n’Umugaba w’ikirenga w’Ingabo z’u Rwanda, yahishuriye ibanga abasirikare cyane cyane abakiri bato batarwanye urugamba rwo kubohora u Rwanda no guhagarika Jenoside, ku bijyanye n’uburyo abasirikare bari ku rugamba babona ibikoresho birimo amasasu batabiguze kandi batanabisahuye ahubwo bakoresheje ubumenyi no gucunga neza bicye bafite bakabibyaza byinshi kurutaho.

Ibi Perezida Kagame yabihishuriye abasirikare ubwo yitabiraga imyitozo yo kurasa i Gabiro mu kigo cy’imyitozo, igikorwa cyabaye kuri uyu wa Kabiri tariki 11 Ukuboza 2018. Perezida Kagame yabwiye abasirikare ko mu gihe bafite amasasu macye bagomba kuyakoresha neza ntibayapfushe ubusa kandi ntibibabuze gutanga umusaruro bitezweho mu kurinda umutekano n’ubusugire bw’igihugu.

Perezida Kagame, mu kubasobanurira ibi yabahaye urugero rw’uko babigenzaga mu rugamba yari ayoboye rwabohoye igihugu rukanahagarika Jenoside yakorewe Abatutsi. Perezida Kagame ati: "Kera tukiri ku rugamba twarabaraga, twabaraga amasasu ugasanga umuntu umwe muri magazini afitemo amasasu 10 kandi hajyamo 30, ayo 10 ukaba ari yo ufite gusa ukajya ku rugamba ufite amasasu 10 mu mbunda, ukaba uvuga ngo ayo masasu 10 ufite, uwo urwana na we wenda we afite n’ijana, ariko ni byabindi navugaga ko kugusha uwo murwana, ntabwo bikwiye kuba bitwara amasasu ijana, ntibikwiye kuba bitwara amasasu 10, ubwo iyo ufite 10 gusa ugakoresha 10, ubwo usigaye ni wowe"

Perezida Kagame yakomeje agira ati: "Twarayakoreshaga kugirango tubone andi, nta rindi duka twari dufite twabonagamo amasasu. Murabizi? N’ubu umunsi mwagiye ku rugamba ujye ugenda ushaka uwo urwana na we, ugashaka n’ibyo afite yarwanishaga akurwanya. Sibyo? Biriya biba ibyawe nta yandi mategeko akurikizwa, ntaho bazagutwara mu rubanza ngo bagiye kukuburanisha, ibyo ni ibyawe. Ntabwo ujya gufata ibindi bintu bitari iby’urugamba. Ushaka imbunda, ushaka amasasu, ntabwo ujya gusahura mu mazu cyangwa ibindi bintu, ibyo mvuga ni ibyo; ukurwanya ibyo arwanisha ushaka kugirango ubigire ibyawe ubihindukize ukomeze umurwanye. Ayo niyo mateka yacu, yaba ubu, yaba kera tukimeze nabi icyo gihe ariko n’ubungubu tumeze neza kurusha icyo gihe inshuro nyinshi ariko imikorere ni yayindi byubakiraho"

Umukuru w’Igihugu akaba n’Umugaba w’Ikirenge w’Ingabo z’u Rwanda, yakomeje abwira Ingabo z’u Rwanda ko ubutwari n’ubumenyi bafite bikwiye kwiyongeraho no kumenya uko babyaza umusaruro ubwo bumenyi bwabo. Yavuze ko kuba umuntu wese yarize imbunda akamenya kurasa no guhambura imbunda ibyo bidahagije, ahubwo ngo bakwiye no kumenya ko abantu bose batarasa kimwe bityo abashishikariza kujya barasa bashyiramo imibare kuko ari nabwo buryo bwo kurwana ku buzima bwabo bakarwana banaburwanaho.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...