konka coffee
KONKA

AMAKURU

UKWEZI
ubumwe

Perezida Kagame yazamuye mu ntera ihambaye bamwe mu ngabo zirwanira mu kirere

Perezida Kagame yazamuye mu ntera ihambaye bamwe mu ngabo zirwanira mu kirere
6-02-2019 saa 06:42' | By Chief Editor | Yasomwe n'abantu 7391 | Ibitekerezo

Perezida Paul Kagame akaba n’Umugaba w’Ikirenga w’Ingabo z’u Rwanda, yazamuye mu ntera ihambaye abasirikare 16 bo mu mutwe w’Ingabo zirwanira mu kirere, aba basirikare bari basanzwe ari bato bakaba bari basoje amasomo y’ibijyanye n’indege za gisirikare bahita bashyirwa mu cyiciro cy’abofisiye.

Aba basirikare barimo 10 bari basanzwe bafite ipeti rya Kaporali (corporals) n’abandi 6 bari basanzwe bafite ipeti rito kurusha ayandi mu gisirikare (Private), ariko bose nyuma yo kurangiza amasomo yabo muri Sir John Kotelawala Defence University muri Sri Lanka bakahavana impamyabumenyi ibashyira ku rwego rwa "AERONAUTICAL ENGINEERS", bahise bahabwa n’Umugaba w’Ikirenga ipeti rya Lieutenant.

Aba basirikare bazamuwe bihambaye kuko hagati y’amapeti bari basanzwe bafite n’ipeti bahawe harimo amapeti menshi basimbutse. Ubusanzwe abasirikare bato, ari nabo rwego rwa mbere; haba harimo ipeti rya mbere abasirikare bato baheraho, ariko abafite iri peti nta kirango cy’ipeti ryabo kibaho, ahubwo bahabwa izina rya "Private" hakongerwaho izina ryabo. Irindi peti ribarizwa mu basirikare bato, ni irya Corporal, rigaragazwa n’ikirango cy’inyuguti ebyeri za ’V’.

Aba bose bavuye kuri aya mapeti, basimbuka ipeti rya Sergeant rigaragazwa n’ikirango cy’inyuguti eshatu za ’V’, basimbuka Ipeti rya Staff Sergeant, irya Sergeant Major, irya Warrant Officer II, irya Warrant Officer I ndetse n’irya Second Lieutenant bahita bahabwa irya Lieutenant.

Amapeti y’abasirikare bo mu mutwe w’ingabo zirwanira mu kirere aba afite ibirango nk’iby’abandi basirikare ariko amabara yo aba atandukanye kimwe n’uko imyambaro yabo iba yihariye. Umugabo w’Ingabo rirwanira mu kirere ni Major General Charles Karamba.

Menya iby’ingenzi kuri Maj. Gen Charles KARAMBA, umugaba w’ingabo zirwanira mu kirere

Ingabo Zirwanira mu Kirere zigizwe n’imitwe y’indege ziguruka, Umutwe ushinzwe ubusugire bw’ikirere, n‘amashuri y’Ingabo Zirwanira mu Kirere. Ingabo Zirwanira mu Kirere ziyoborwa n’Umugaba w’Ingabo Zirwanira mu Kirere.

JPEG - 102.6 kb

Major General Charles Karamba, Umugaba w’Ingabo zirwanira mu kirere

Ingabo Zirwanira mu Kirere zigomba kugira abasirikare bahora biteguriye intambara, bafite ubumenyi bunyuranye kugira ngo bahorane ubushobozi bwo guhora ku isonga mu gukumira ibitero cyangwa kubigaba mu buryo buhamye, bikorewe mu kirere.

Sobanukirwa ibijyanye n’ibirango by’amapeti y’igisirikare cy’u Rwanda, ibyiciro byayo n’uko arutana


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...