AMAKURU

UKWEZI
cheno 2020

Polisi y’ u Rwanda yasabye abaganga kutazongera gufata bugwate uwatabaye uri mu kaga

Polisi y’ u Rwanda yasabye abaganga kutazongera gufata bugwate uwatabaye uri mu kaga
14-02-2019 saa 10:04' | By Nsanzimana Ernest | Yasomwe n'abantu 5163 | Ibitekerezo 2

Polisi y’ u Rwanda ishami rishinzwe umutekano wo mu muhanda yasabye abaganga kutazongera gufata bugwate umugiraneza watabaye umuntu wakomerekeye mu mpanuka ngo abe ariwe yishyuzwa. Ni mu rwego rwo gutinyura abantu kugira umutima utabara abakomerekera mu mpanuka.

Iyo uganiriye n’ Abanyarwanda usanga baracitse ku muco wo gutabara abakomerekera mu mpanuka kubera ko iyo utabaye umuntu ukamujyana kwa muganga hari ubwo ikinyabiziga cyawe gifatirwa.

Umushoferi ukorera mu mujyi wa Kigali yagize ati “Mugenzi wanjye yigeze kujyana kwa muganga umuntu wakomerekeye mu mpanuka, yari agiye mu kazi agezeyo imodoka ye barayisigarana, biba ngombwa ko asubirayo avuye mu kazi”
Undi ati “Njye sinamujyana kwa muganga ntabanje guhamagara ubuyobozi n’ abashinzwe umutekano, ngo iyo mpanuka bitaza kwitwa ko arinjye wayiteje”

Umuvugizi w’Ishami rya polisi rishinzwe umutekano wo mu muhanda SSP JMV Ndushabandi yavuze ko umuntu ujyanye uwakomeretse kwa muganga adakwiye gusabwa kwishyura nk’ aho ariwe wateje impanuka ngo n’ iyo yaba ariwe nta kwiye gufatwa bugwate.

Yabitangaje kuri uyu wa Gatatu tariki 13 Gashyantare, mu nama yo ku rwego rw’igihugu ijyanye n’ingaruka z’ibikomere by’umubiri (National trauma symposium).

Yagize ati “Niba umuntu akoze ubutabazi akazana umuntu kwa muganga ntagasabwe kwishyura nkaho ari we wateje impanuka, n’ubwo yaba ari we ntakwiye gufatwaho ingwate, kugirango bidaca abandi intege, ibitaro bikwiye kwita ku nkomere ibindi bigakurikiranwa nyuma”.

Dr. Nkeshimana Menelas, Umuyobozi w’Ishami rishinzwe kwakira indembe (emergency) mu bitaro bya CHUK, avuga ko aho byaba bikorwa bidakwiye.

Yagize ati “Ahubwo yakabaye ashimirwa ko agize umutima utabara, yego hari amakuru dusaba uzanye indembe ariko ntaho ahuriye n’ibyo kwishyuza ikiguzi cy’ubuvuzi kuko hari n’abo twitaho tutanabazi tukazamenye imyirondoro yabo bamaze kugarura ubwenge”.

Bagahirwa Irene, Umukozi w’ Ikigo cy’ Ubuvuzi, RBC ushinzwe ubuvuzi bw’ ibikomere yavuze ko gufata bugwate uwagize umutima utabara byabagaho ariko Minisiteri y’ubuzima yabyamaganye.

Yagize ati “Ibitaro byose byahawe ubutumwa buvuye muri Minisiteri bumenyesha ko umuntu wese uzanye inkomere atazongera gufatwa bugwate, abaganga bagomba kwita kuri iyo nkomere ibindi bigakurikiranwa nyuma”.

Dr. Dushime Theophile, ushinzwe ishami ry’ubutabazi bwihutirwa muri Minisiteri y’ubuzima yavuze ko niyo watinya gutabara ngo udafata bugwate nibura watabariza uri mu kaga

Ati “N’ubwo utamwijyanira ku bitaro ariko wanamutabariza kuko hari n’ubwo yaba yakomeretse ahantu hakwiye kwitonderwa nko mu mugongo wamuterura bigatera kwangirika biruseho, ibyiza uramutabariza ugahamagara imbangukiragutabara uhamagaye 911 ku buntu”.

Imibare y’ Ishami ry’ Umuryango w’Abibumbye ryita ku buzima OMS igaragaza ko ku Isi abantu miliyoni n’ ibihumbi 300 bahitanwa n’impanuka zo mu muhanda buri mwaka.


INKURU ZA :
Tanga Igitekerezo
Ibitekerezo 2
BC Kuya 7-03-2019

byose biterwa nuko ubuvuzi bwabaye ubucuruzi njye numva bakwiye kureba ukuntu ubuvuzi buba ubutabazi kurusha kuba ubucuruzi

ph Kuya 16-02-2019

niyo uhamagaye ambulance ngo ize itabare, numero yawe barayibika nka nyuma ukazumva ngo hari ambulance utishyuye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...