konka coffee
KONKA

AMAKURU

UKWEZI
ubumwe

Polisi y’ u Rwanda yungutse abapolisi bashya barenga 1300

Polisi y’ u Rwanda yungutse abapolisi bashya barenga 1300
3-06-2019 saa 16:50' | By Nsanzimana Ernest | Yasomwe n'abantu 2620 | Ibitekerezo

Minisitiri w’ ubutabera akaba n’ intumwa nkuru ya Leta Johnston Busingye yahaye abapolisi bashya ipeti rya Police Constable ribanziriza andi muri Polisi y’ u Rwanda abasaba kuzarangwa n’ ubunyangamugayo.

Ni umuhango wabereye ku ishuri rya polisi y’ u Rwanda riherere I Gishari kuri uyu wa Mbere tariki 3 Kamena 2019.

Aba banyeshuri 1342 basoje amasomo ajyanye no kurinda abaturage n’ ibyabo yasojwe uyu munsi yatangiye tariki 13 Kanama 2018 ari abanyeshuri 1400.

Uyu muhango witabiriwe na Minisitiri w’ Ubutabera n’ umuyobozi mukuru wa polisi y’ u Rwanda IGP Dan Munyuza n’ abandi bayobozi bakuru batandukanye.

Minisitiri Busingye ufite mu nshingano Polisi y’ u Rwanda yibukije abapolisi bashya ko inshingano za polisi y’ u Rwanda ari ukurinda umutekano w’ abantu n’ ibyabo.

Ati "Ubumenyi bw’ibanze mwahawe bwo gukumira no kurwanya ibyaha muzabukoreshe mu mirimo yanyu ya buri munsi aho muzakorana n’abandi bapolisi bababanjirije mu kazi, mwirinda icyo ari cyo cyose cyakwangiza isura ya Polisi y’ u Rwanda”

Minisitiri Busingye yakomeje agira ati “Ndabasaba kandi kuzaba inyangamugayo murangwa n’ishyaka mu kazi kanyu ka buri munsi."

Minisitiri w’ Ubutabera yabwiye abayobozi batandukanye bitabiriye uyu muhango ko bagomba gufatanya n’ aba bapolisi bashya, yongeraho ko aribyo bizafasha aba bapolisi 1342 kurangiza neza inshingano zabo.

Polisi y’ u Rwanda ni rumwe mu nzego Abanyarwanda bafitiye icyizere cyane nk’ uko bigaragazwa n’ ubushakashatsi bukorwa n’ Urwego rw’ igihugu rw’ imiyoborere RGB. RGB yasanze Polisi y’ u Rwanda , Abanyarwanda bayifitiye icyizere ku gipimo 98,1%. Ibi byanashimangiwe na Raporo 2018 y’Ihuriro ry’Ubukungu ku Isi (WEF), igaragaza uko Polisi z’Ibihugu zihagaze mu kugirirwa icyizere n’abaturage, yashyize Polisi y’u Rwanda ku mwanya wa mbere muri Afurika n’uwa 13 ku Isi.

Polisi y’ u Rwanda ifite abapolisi benshi mu butumwa bwo kubungabunga amahoro mu bihugu bimwe na bimwe by’ amahanga kandi amakuru ahaturuka agaragaza ko Polisi y’ u Rwanda yitwara neza.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...