konka coffee
KONKA

AMAKURU

UKWEZI

Rubavu: Abuzukuru ba shitani bakomeje kuyogoza abaturage

Rubavu: Abuzukuru ba shitani bakomeje kuyogoza abaturage
18-06-2018 saa 13:30' | By Akayezu Jean de Dieu | Yasomwe n'abantu 14750 | Ibitekerezo 4

Abaturage bo mu mu kagari ka Byahi, umurenge wa Rubavu mu karere ka Rubavu baratabaza bavuga ko barembejwe bikomeye n’umutwe w’insoresore z’inzererezi wiyise abuzukuru ba shitani bitwara nk’umutwe w’iterabwoba wambura abaturage, ukabakubita ukanabakorera ibikorwa by’urugomo birimo no kubakomeretsa..

Uyu mutwe w’inzererezi wamenyekanye muri aka karere ka Rubavu ahagana muri 2016, gusa ku bufatanye bw’inzego z’umutekano n’abaturage hafashwe bamwe ingamba zikakaye zo guhashya iki kibazo ndetse icyo gihe aba bana baratuje n’uwafatwaga nk’umuyobozi wabo arafatwa atabwa muri yombi ariko kuri ubu ngo bongeye kubura aho bavuye mu Mujyi wa Gisenyi bakajya gushinga ibirindiro muri uyu murenge wa Rubavu.

Bivugwa ko abana benshi babarizwa muri uyu mutwe w’abuzukuru ba shitani haba harimo bamwe baturuka muri uyu murenge wa Rubavu ariko ngo abenshi muri bo baba baturuka mu Mujyi wa Gisenyi ahitwa za Mbugangari no mu bindi bice by’uyu Mujyi.

Abaturage bavuga ko aba bana b’inzererezi ziri mu kigero cy’imyaka iri hagati ya 12 na 20, ngo bajya mu mihanda hafi ya Buhura, bagatangira abaturage wakwiruka bakagukurikiza amabuye aho n’inkeragutabara batazitinya kuko iyo zije barazirukankana n’ibiti n’amabuye.

Yagize ati “Hano batangira abantu, hano ushobora kuhaca ufite telephone ku gutwi barayicapura bakiruka, intambara yabo irakomeye baturuka hariya hirya barwana bakagera hano, baba barwana hagati yabo nawe ushobora kuhaca bakagukubita, turasaba inzego z’umutekano kubadukiza”

Umunyamabanga Nshingwabikorwa w’akagari ka Byahi, Madamu Mbarushimana Honorine yabwiye RBA muri iki gitondo cyo ku wa Mbere tariki 18 Kamena 2018, ko iki kibazo bamaze hafi ibyumweru bibiri bakizi muri aka kagari aho bakimenye babibwiwe n’umumotari wari wakorewe urugomo rukabije n’uyu mutwe w’abana b’inzererezi uzwi nkabuzukuru ba shitani

Gitifu yakomeje avuga ko mu iperereza bakoze bafashe abana batatu bakomoka muri aka kagari kabo ariko ngo basanze abenshi muri abo bana baturutse za Mbugangari. Ngo hari umwe bafashe bamushyikiriza ababyeyi be ariko ngo abandi baracyakomeje gufatanya n’inzego za Polisi mu kubashakisha.

Gitifu Mbarushimana yavuze ko mu minsi ishize bifashishije irondo n’inzego za Polisi muri uyu murenge bakora umukwabu hafatwamo aba batatu bajyanwa mu kigo gishinzwe igororamuco ariko ngo amarondo arakomeje mu rwego rwo guhashya aba bana b’inzererezi.


INKURU ZA :
Tanga Igitekerezo
Ibitekerezo 4
EDIMO Kuya 27-07-2018

UKRLILLIIAIIILIILTILLILLILLILILLILLLILLLL

Sunday Kuya 23-06-2018

Urwanda twararugose

KUBWABO Kuya 20-06-2018

HARI ABANTU BARI GUSHAKA GUHESHA ISURA MBI IGIHUGU ,NYARUGURU NGO BISHE ABANTU 2, BATWIKA IMODOKA YA GITIFU W’UMURENGE BAMAZE KUMURASA BATERA IBIRO BY’UMURENGE NDETSE NA SACCO BRANGIJE SIBAGIRA AMAFARANGA BATWARA

IBI BINTU NI IKIBAZO TURAHAMAGARA BA MUKERARUGENDO ,ARIKO TUBANZE TUREBE UMUTEKANO K’UBAGIYE KUZA MU GIHUGU KUKO UBUGIZI BWA NABI BURI KWIYONGERA .BAREBE IKIBITERA NIWO MUTI URAMBYE

Kankazi Kuya 18-06-2018

Hahaaaaa!!!Ayo mashitani arisema!!!Mubaze umutwe w’insoresore wigeze kwaduka mu Migina I Remera wari wariyise "Onze boules" aho wagiye!!????Bo ngirango bari abuzukuru b’interahamwe si gusa!!Kuko bo baranicaga!!!Igihugu cyacu cyashyize imbere umutekano w’abaturage ndizera ntashidikanya ko izo mburamikoro zizahanwwa by’intangarugero.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...