AMAKURU

UKWEZI
pax

Rubavu : Umukobwa w’imyaka 18 yasanzwe aziritse ku giti yambaye ubusa

Rubavu : Umukobwa w’imyaka 18 yasanzwe aziritse ku giti yambaye ubusa
4-05-2020 saa 12:00' | By Nsanzimana Ernest | Yasomwe n'abantu 8767 | Ibitekerezo

Mu murenge wa Mudende mu karere ka Rubavu abantu batamenyekana nijoro ku cyumweru tariki 3 Gicurasi 2020 baziritse umukobwa ku giti yambaye ubusa abonwa n’abagenzi ahita ajyanwa kwa muganga.

Byabaye ahagana saa mbiri z’ijoro ku cyumweru, mu Kagari ka Kanyundo, Umurenge wa Mudende mu Karere ka Rubavu, umukobwa uri mu kigero k’imyaka 18 yasanzwe aziritse ku giti yambaye ubusa buri buri, kandi atabashaga kuvuga.

Ababonye uyu mukobwa bavuga ko atabashaga kuvuga, yahise ajyanwa ku kigo nderabuzima cya Mudende ahabwa transfert ajyanwa ku bitaro bya Gisenyi.

Umunyamabanga Nshingwabikorwa w’Umurenge wa Ugirabino Elisaphane yemeje aya makuru avuga ko bitaramenyekana niba uyu mukobwa yafashwe ku ngufu.

Ati “Saa mbili z’ijoro abantu baba bakigenda. Ababyeyi bari bamutumye. Turakeka ko ari urugomo rwakozwe n’abantu bafite ingeso mbi, cyane cyane turakeka abashumba n’ibirara”.

Ugirabino yasabye abaturage kudakuka umutima avuga ko uwahohotewe ari kwitabwaho n’abaganga kandi ko uwabikoze nafatwa azahanwa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...