AMAKURU

UKWEZI

Rubavu: Umusirikare wa RDF yarashe abantu batatu umwe ahita apfa

Rubavu: Umusirikare wa RDF yarashe abantu batatu umwe ahita apfa
11-08-2018 saa 14:39' | By Vincent Nsengiyumva | Yasomwe n'abantu 8173 | Ibitekerezo 3

Umusirikare witwa Private Ngendahimana Jean Damascène, yarasiye mu kabari k’uwitwa Mugwaneza Christine abantu batatu, umwe ahita yitaba Imana abandi babiri bajyanwa mu bitaro bya Ruhengeri akaba ariho bari gukurikiranirwa n’abaganga.

Ibi byabaye ahagana saa tatu z’ijoro ryo kuri uyu wa Gatanu, mu kabari gaherereye mu mudugudu wa Rurembo, Akagari ka Byahi, Umurenge wa Rubavu ho mu Karere ka Rubavu.

Aba barashwe uko ari batatu ni Hakizimana Vincent, Benimana Jean Marie Vianney na Nzabahimana Theoneste.

Uwitwa Benimana Jean Marie Vianney niwe waje kwitaba Imana aguye mu bitaro bya Gisenyi aho babanje guhererwa ubuvuzi bw’ibanze nyuma yo kuraswa, mu gihe abandi boherejwe n’ibi bitaro mu bya Ruhengeri kugira ngo bakomeze kwitabwaho.

Barashwe n’umusirikare ufite ipeti rya Private mu ngabo z’u Rwanda witwa Ngendahimana Jean Damascene wari wambaye impuzankano ya gisirikare.

Umuyobozi w’Akarere ka Rubavu, Habyarimana Gilbert, yazindutse akoresha inama muri iki gitondo ahumuriza abaturage anabasaba kwirinda amakimbirane kuko ari yo ntandaro y’ibyabaye byose.

Yagize ati “Mwakabaye mwatanze amakuru kare mukibona umusirikare ari kuvugana nabi n’abaturage, mukamenyesha inzego zimukuriye. Nk’abaturage muturiye umupaka mwakagombye kugira amakenga mukamenya niba atari n’uwa RDC waje”.


INKURU ZA :
Tanga Igitekerezo
Ibitekerezo 3
Joyce Kuya 20-08-2018

Icyo njye navuga Ni uko niba uziko URI umisirikare wiyemeje gukorera igihugu mu gihe ufasehe akaruhuko Kandi uziko ugiye gusabanira hagati y’abaturage wasiga intwaro yawe maze ukabasanga nawe ukaba umwe muribo Kandi mwanagirana amakimbirane Aho muzakora gisivile bitarimo gukoresha iyo ntwaro ariko na none umuntu are be kurundi ruhande harasabwa izindi ngamba ku bayobozi b’uturere gusesengura bakareba niba Atari FDLR zishobora kuba zakwinjira mu gihugu zigateza umutekano mukeya zitwaje kaitwa ingabo z’igihugu cy’u Rwanda!

Turikumwenimana Kuya 16-08-2018

Ahubwo meya wa rubavu azakurikirane ninsoresore zahitwa buhuru zitega abantu zikabakubi zinabambura

Abner Kuya 11-08-2018

Ko mbona se iyi nkuru igaragaragaza private Ngendahimana Jean damascene nkuwakoze icyaha muntangiriro igasoza igaragaza ko ari Corporal Karamba Jean Bosco ubwo turafata ukuhe kuri?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...