AMAKURU

UKWEZI

Rubavu: Wa musirikare warashe abaturage yakatiwe gufungwa burundu

Rubavu: Wa musirikare warashe abaturage yakatiwe gufungwa burundu
4-12-2018 saa 17:05' | By Vincent Nsengiyumva | Yasomwe n'abantu 3514 | Ibitekerezo 1

Private Ngendahimana Bosco yahamijwe n’urukiko rrwa Gisirikare icyaha cyo kwica abigambiriye, rumukatira gufungwa burundu, kwirukanwa mu Ngabo z’u Rwanda, kwamburwa amapeti ya gisirikare n’ihazabu ya miliyoni esheshatu.

Mu ijoro ryo ku wa 10 Kanama 2018 nibwo Pte Ngendahimana yarasiye abaturage batatu mu kabari umwe ahasiga ubuzima.

Ku gicamunsi cyo kuri uyu wa Kabirri tariki ya 4 Ugushyingo 2018, nibwo Pte Ngendahimana Bosco yasomeye imyanzuro y’urukiko imbere y’imbaga y’abaturage ahabereye icyaha mku kabari kari mu kagari ka Byahi Umurenge wa Rubavu Umudugudu wa Rurembo hafi y’umupaka w’u Rwanda na RDC.

Umucamanza Major Muhigirwa Gérard warri uyoboye iburanisha ry’uru rubanza yavuze ko nyuma yo kumva impande zose, basanze Pte Ngendahimana ahamwa n’icyaha cy’ubwicanyi akaba ariyo mpamvu yakatiwe igifungo cya burundu.

Urukiko rwananzuye ko uyu musirikare agomba guhita yirukanwa mu Ngabo z’u Rwanda, kwamburwa amapeti ya gisirikare no gucibwa ihazabu ya miliyoni esheshatu.

Ku kijyanye n’uko leta y’u Rwanda yari yarezwe nk’umukoresha, urukiko rwanzuye ko ntacyo igomba kubazwa kuko icyaha yagikoze yarangije akazi, akaba ariwe ugomba kubiryozwa wenyine, akiyishyurira indishyi zose yaciwe.


INKURU ZA :
Tanga Igitekerezo
Ibitekerezo 1
nitwaNZITONDABABOSE Kuya 4-12-2018

ndobikwiriyerwose

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...