AMAKURU

UKWEZI
ubumwe

Rulindo: Abana batashyaga inkwi babonye umurambo w’ umudaso mu ishyamba

Rulindo: Abana batashyaga inkwi babonye umurambo w’ umudaso mu ishyamba
18-07-2019 saa 14:40' | By Nsanzimana Ernest | Yasomwe n'abantu 6242 | Ibitekerezo 9

Umukozi w’ urwego rushinzwe umutekano DASSO wakoreraga mu murenge wa Cyinzuzi mu karere ka Rulindo yishwe n’ abantu bataramenyekana.

Saa tanu z’ amanywa kuri uyu wa Kane 18 Nyakanga 2019, nibwo abana batashyaga inkwi mu ishyamba ryo muri aka gace rizwi ku izina rya ‘Jebeka’ babonye umurambo wa nyakwigendera Nshimiyimana Denis.

Sebagabo Nkunzingoma Zazou, Umunyamabanga Nshingwabikorwa w’ Umurenge wa Cyinzuzi yatangarije UKWEZI ko Nshimiyimana Denis ejo yiriwe ku murenge ku kazi, ataha nimugoroba ngo yongeye kugaragara saa tanu z’ amanywa uyu munsi yishwe.

Yagize ati “Amakuru yamenyekanye saa tanu z’ amanywa, tujyayo dusanga ari DASSO wayoboraga abandi mu murenge wa Cyinzuzi.”

Umurambo wa Nyakwigendera wabonetse mu kagari ka Rudogo, umudugudu wa Munini mu ishyamba, ubwonywe n’ abana batashyaga inkwi.

Gitifu Zazou avuga ko mu bigaragarira amaso Nshimiyimana Denis yishwe, nubwo abantu bamwishe bataramenyekana.

Ubwo twavugana umurambo wari ukiri mu ishyamba hategerejwe abakozi b’ urwego rw’ ubugenzacyaha RIB ngo batangire iperereza kuri ubu bwicanyi.

Amakuru twahawe n’ abatuye hafi y’ aho uyu murambo wabonetse avuga ko nimugoroba yanyereye mu kabari k’ ahitwa I Musenyi.

Nta muntu uzwi bari bafitanye amakimbirane, gusa yishwe nyuma y’ umunsi umwe avuye mu bikorwa by’ umukwabo wo gufungira abacuruzi batishyura neza imisoro ya Leta.

Biteganyijwe ko umurambo urajyanwa mu bitaro bya Polisi ku Kacyiru gukorerwa isuzuma mbere y’ uko ushyingurwa.


INKURU ZA :
Tanga Igitekerezo
Ibitekerezo 9
PC niyigena hassan Kuya 19-07-2019

Imana imwakire mubayo

PC niyigena hassan Kuya 19-07-2019

Imana imwakire mubayo

Cruzz Kuya 19-07-2019

Imana imwakire mubayo nukuri. Kumena amaraso nta mahoro bitanga. Biratinda rwose ababigizemo uruhare barafatwa.

Mihigo Kuya 19-07-2019

R.I.P bt amuntu ukora ibyo ashakishwe ahanwe kko ateye ubwoba.

Rwishema Theoneste Kuya 19-07-2019

Birababaje cyane kubona hari abagitinyuka kwica abandi!Nta bumuntu buri mu kuvutsa abandi Ubuzima.Ubutabera bukurikizwe.

Sibomana Aphrodis Kuya 18-07-2019

Birababaje cyane ubugenzacyaha bukurikirane abo bacuruzi

Sixbert Kuya 18-07-2019

Mutugezaho amakuru meza ariko mwagerageza gukoresha ikinyarwanda kinoze kuko kwica ururimi rwacu sibyiza.

Twizerimana Fabien Kuya 18-07-2019

Imana imwakire mubayo turasaba inzego zibishinzwe gukurikirana uwariwe wese ukekwa kurupfu rwa nyakwigendera ,kdi twasabaga Minisiteri ishinzwe uru rwego kubashakira ubwirinzi mukazi kabo no kubahuroza hamwe muburyo bwumutekano wabo aho bashinzwe .gusa akazi kabo bahuriramo na risk cyane .

KASALI Kuya 18-07-2019

Igisobanuro nta kindi n’ubwo intwaro atari igikangisho ariko pe uru rwego rukwiriye guhabwa intwaro, nkeka ko byanatuma basi badahohoterwa nk’uko mbibona ubuMurakoze

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...