AMAKURU

UKWEZI
ubumwe

Umugore wa Camille Nkurunziza wiciwe i Cape Town yavuze iby’undi warashwe aje mu kiriyo

Umugore wa Camille Nkurunziza wiciwe i Cape Town yavuze iby’undi warashwe aje mu kiriyo
6-06-2019 saa 08:17' | By Nsanzimana Ernest | Yasomwe n'abantu 8832 | Ibitekerezo

Aneth Kabasindi, umugore wa Camille Nkurunziza uherutse kwicirwa muri Afurika y’Epfo, yavuze ko yatewe ubwo n’uko ku irembo rye harasiwe umuntu wari ugiye kwifatanya n’abandi mu kiriyo cya Camille wahoze ari umusirikare mu Rwanda akaza guhungira muri Afurika y’ Epfo. Yanakuyeho urujijo kandi ahamya ko umugabo we yarashwe na Polisi ya Afurika y’Epfo.

Mu mpera z’ ukwezi gushize nibwo Nkurunziza yarashwe n’ abantu bamusanze mu modoka mu mujyi wa Cape Town aho yari asanzwe akora akazi ko gutwara abantu mu modoka (Taxi). Abo bantu bamurashe ni abapolisi bo muri Afurika y’Epfo.

Umunyamabanga wa Leta muri Minisiteri y’ Ububanyi n’ amahanga y’ u Rwanda, Amb. Olivier Nduhungirehe, yahise avuga ko Nkurunziza yarashwe agerageza kurwanya abapolisi akoresheje icyuma yanga ko bamuta muri yombi.

Kabasindi avuga ko umunsi umugabo we yarashwe yari yagiye ku kazi bisanzwe, saa munani z’ amanywa baravugana ariko bigeze saa kumi n’ ebyiri z’ umugoroba mu rugo iwe muri Afurika y’ Epfo haza abapolisi bamubwira ko umugabo we yashimuswe. Saa tanu z’ ijoro nibwo ngo bamubwiye ko umugabo we yapfuye byarangiye.

Uyu mugore avuga ko umugabo we yahoranaga ubwoba ariko agahora yitwararika. Ngo ubwo bwoba yabuterwaga n’ uko yahoze muri politiki gusa ngo yageze aho abivamo yisengera Imana.

Kabasindi avuga ko umugabo we yafashwe n’ abapolisi batatu, bamushyira mu modoka inyuma undi ajya kuri vola arakomeza aratwara, ngo byaje kurangira abo bapolisi bamurashe amasasu umunani.

Ati “Ni byo igipolisi cyaje kunsaba imbabazi, bambwira ngo habayeho ko umupolisi yaje kurasa, kandi ngo yarashe amasasu menshi kuko bamurashe amasasu umunani. Ubwo rero barambwira bati rwose tugusabye imbabazi wowe n’ umuryango wawe ku bw’ ibyo byabaye bati ariko turacyakora iperereza”.

Uyu mugore yabwiye BBC ko atizeye umutekano kuko ku irembo ry’urugo rwe abantu bataramenyekana baharasiye Umurundi wari ugiye mu kiriyo cya Camille Nkurunziza. Uyu murundi ntabwo yapfuye ari kwitabwaho n’ abaganga bo muri Afurika y’ Epfo. Kabasindi akomeza avuga ko iki kirego yakimenyesheje polisi ya Afurika y’ Epfo igitangiraho iperereza.

Yagize ati “Umutekano wanjye ntabwo mu by’ ukuri umeze neza kuko mu ijoro ryakeye hari umuntu wari uje mu kiriyo baramurasa ntitwamenya abamurashe abo ari bo. Ntiyapfuye ari mu bitaro. Iruhande rwa gate (urugi rw’ igipangu) yacu nta bantu bari bahari mu by’ ukuri nanjye mfite gutinya kwinshi cyane”.

Kabasindi avuga ko polisi ya Afurika y’ Epfo itamurindira umutekano. Avuga ko ejo tariki 5 Kamena 2019, abashinzwe iperereza basuzumye uko umugabo we yishwe bamubwira ko baza kumubwira icyo bagezeho.

Amb. Nduhungirehe, mu minsi ishize yavuze ko Nkurunziza Camir wari mu mutwe w’iterabwoba wa RNC ya Kayumba Nyamwasa nyuma akajya mu wa FLN wa Callixte Nsabimana (Sankara), nawe yaba yari igisuma kandi ngo yari akiri umunyabyaha nk’uko byahoze.

Nkurunziza mu gihe gishize yari umurwanashyaka w’ishyaka Rwanda National Congress (RNC) ritavuga rumwe n’ubutegetsi bw’u Rwanda, akaba yari amaze imyaka umunani ari impunzi muri Afurika y’Epfo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...