AMAKURU

UKWEZI
Canal+ christmax

Umuhanzi w’umusirikare uzwi nka Sergeant Robert yatorotse ashinjwa gusambanya umwana

Umuhanzi w’umusirikare uzwi  nka Sergeant Robert yatorotse ashinjwa gusambanya umwana
23-11-2020 saa 07:04' | By Chief Editor | Yasomwe n'abantu 19039 | Ibitekerezo 8

Umuhanzi akaba n’umusikare ufite ipeti rya Sergeant Major ariko wamenyekanye cyane nka Sergeant Robert, arimo gushakishwa n’inzego z’umutekano nyuma yo gutoroka ashinjwa icyaha cyo gusambana umwana.

Sergeant Major Robert Kabera wamenyekanye mu ndirimbo zitandukanye yafatanyije na Army Jazz Band hamwe n’izo yaririmbye ku giti cye, bivugwa ko kuwa Gatandatu tariki 21 Ugushyingo ari bwo yaba yarasambanyije umwana w’umukobwa w’imyaka 15 y’amavuko hanyuma byamara kumenyekana agahita atoroka ubu akaba arimo gushakishwa.

Sergeant Major Robert ari mu bahanzi bazwi cyane muri ‘Army Jazz Band’

Sergeant Major Robert azwi mu ndirimbo nyinshi yakoranye n’itsinda ‘Army Jazz Band’ ry’abasirikare baririmba indirimbo zivuga ubutwari bw’ingabo z’u Rwanda. Yanamenyekanye mu zindi zitandukanye zivuga ubutumwa busanzwe zirimo n’ihimbaza Imana yakunzwe mu myaka yashiz yitwa Impanda. N’ubwo ubu afite ipeti rya Sergeant Major, abantu bakomeje kumwita Sergeant Robert kuko ari ryo zina yamamayeho, bijyanye n’ipeti yari afite icyo gihe, ugiye kumuvuga wese akabanzaho ipeti bigera aho bamwe babifata nk’aho Sergeant ari akazina ke bwite.

Ingingo ya 133 y’itegeko rigena ibyaha n’ibihano ivuga ko uhamijwe icyaha cyo gusambanya umwana ahanishwa igifungo kitari munsi y’imyaka makumyabiri ariko kitarenze imyaka makumyabiri n’itanu.

Iyo gusambanya umwana byakorewe ku mwana uri munsi y’imyaka cumi n’ine , igihano kiba igifungo cya burundu kidashobora kugabanywa kubera impamvu nyoroshyacyaha.

Iyo gusambanya umwana ufite cyangwa urengeje imyaka cumi n’ine) byamuteye indwara idakira cyangwa ubumuga, igihano kiba igifungo cya burundu.


INKURU ZA :
Tanga Igitekerezo
Ibitekerezo 8
tumusime Kuya 25-11-2020

Eeeee ntabwo byoroshye arko akanirwe urumukwiye

tumusime Kuya 25-11-2020

Eeeee ntabwo byoroshye arko akanirwe urumukwiye

Bosiko Kuya 25-11-2020

Bavuge macye nabo nabagabo twese turemye cyimwe numubiri twambaye Kandi icyindi na afande numunu nawe numubiri yambaye

Bosiko Kuya 25-11-2020

Bavuge macye nabo nabagabo twese turemye cyimwe numubiri twambaye Kandi icyindi na afande numunu nawe numubiri yambaye

Aaron Kuya 24-11-2020

Sergeant Robert bamukanire urumukwiye

blance uwase Kuya 23-11-2020

birakaze mumwiteho

Venuste Kuya 23-11-2020

Uwomumwiteho arakabije kama nkafande mumuhane nabandi barebereho

Nzayisenga sylvestre Kuya 23-11-2020

Biteye agahinda ¡ !!!!info ubwo yatwara inda ,ngo ni mwalimu.

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA