konka coffee
KONKA

AMAKURU

UKWEZI
Minijust

Umuhungu we ushobora kuzamwica yavurwa agakira ariko habuze ubushobozi

Umuhungu we ushobora kuzamwica yavurwa agakira ariko habuze ubushobozi
9-05-2019 saa 10:02' | By Nsanzimana Ernest | Yasomwe n'abantu 1772 | Ibitekerezo 1

Abaturabe baratabariza umugore baturanye ufite umwana ufite uburwayi bwo mu mutwe, bafite impungenge z’ uko uwo musore uri mu kigero cy’ imyaka 20 azica nyina kuko uburwayi afite butuma akubita nyina buri uko amubonye.

Ni abaturage bo mu mudugudu wa Amahoro, Akagari ka Kimana umurenge wa Tumba mu karere ka Huye. Aba baturage bavuga ko nabo kuba uyu musore afite ubu burwayi bibabaza kuko yari umusore mwiza ukunda akazi.

Uyu musore ubu yirirwa azenguruka, ntagira umwitaho, arara mu kizu cya wenyine byatumye arwara imbaragasa bitewe no kutoga no kutamesa.

Abaturanyi ba Uwitonze Agnes nyina w’ uwo musore ufite uburwayi bwo mu mutwe barimo Uwizeye Valentine uturanye uvuga ko kugira ngo Hitiyaremye avurwe byasaba ko nyina abona ubufasha kuko yemeza ko atishoboye.

Mukakalisa Beatha, utuye mu irembo ry’ aho Hitiyaremye aba avuga ko Agnes atabona ibihumbi 100 byo kuvuza umuhungu we kuko ari umukene akaba anashaje ku buryo atakibasha guca inshuro.

Akomeza avuga ko kugira ngo uyu murwayi avurwe ubuyobozi bwabegera bagaterateranya amafaranga.

Ati “Kugira ngo avurwe kereka ubuyobozi bubishyizemo ingufu bagaterateranya amafaranga bayatwaka twembwe abaturage. Bayatwatse twayatanga kuko ntabwo twakwishyimira ko umuntu yamera uku”.


Abaturanyi ba Uwitonze bafite umutima wo gufasha mugenzi wabo ngo umwana we avurwe

Uwitonze Agnes nyina w’ uyu musore avuga ko asigaye abayeho nabi cyane kubera uburwayi bw’ umuhungu we. Inzu yari yarubakiwe n’ ubuyobozi umuhungu we yayikuyeho urugi. Abaturage bamwe bavuga ko urwo rugi rwibwe abandi bakavuga ko Agnes nawe wemeza ko arya bimugoye yarugurishije.

Uwitonze avuga ko muri 2017 aribwo umuhungu we yafashwe atangira avuga amagambo aterekeranye, akajya yikora ibintu bidasanzwe. Ngo uyu muhungu yamujyanye kumuvuriza mu bitaro by’ abarwayi bo mu mutwe I Ndera baragerageza birananirana baramubwira ngo yitahire indwara ya Hitiyaremye yavurirwa mu Kinyarwanda.



Ibi byenda nibyo Hitiyaremye urwaye mu mutwe araraho

Ubwo nibwo bamujyanye kumuvuriza muri Muhanga ku muvuzi gakondo arakira, ariko babura amafaranga yo kwishyura. Uwitonze avuga ko uwo muvuzi yari yamuciye ibihumbi 100 akamuha ibihumbi 10 gusa kuko aribyo yabashije kubona.

Amakuru y’ uko Hitimana yari yarakize yemezwa n’ abaturanyi bavuga ko yari yasubiye kongera kujya abumba amatafari nk’ uko yabikoraga mbere.

Uwitonze avuga ko uyu muvuzi yamutumyeho akamusaba ko amwishyura cyangwa umwana we agasubirana indwara.

Yagize ati “Uwo mubyeyi yari yanciye ibihumbi 100, ntatunze n’ icyumi. Yari yamuvuye arakira rwose ibihumbi 100 yanciye narabibuze, mbona yarwara iragarutse ubu iyi ni iya kabiri. Hanyuma aza kuntumaho ngo nimbona ibihumbi 100 nzamubwire yongere amuvure”.


Uwitonze Agnes abaturanyi bavuga ko niba nta gikozwe mu maguru mashya ashobora kuzicwa n’ umuhungu we

Uyu mubyeyi avuga ko icyo asaba Leta ari uko yamutera inkunga akavuza umwana we ikanamufasha kongera kubona aho kuba kuko acumbitse ku muturanyi.

Uwitonze akomeza avuga ko umuhungu bamumutereje kuko iyo amubonye amukubita.

Yagize ati “Njyewe ahari baramunshumurije, iyo ambonye aranyirukankana n’ amabuye, n’ ubu n’ uko muhagaragaranye. Ugira ngo namuha akantu akakarya reka da!”

Umuturanyi wa Uwitonze unamucumbikiye yabwiye UKWEZI ati “(Uwitonze n’ umugungu we) barabana noneho akajya amukubita nijoro, tubona byavamo ko yanamukubita akamwica, mfitamo kumucumbikira. Aramukubita nanjye ndabizi”.

Abaturanyi basanga uyu mwana amaze kuvuzwa, ubuyobozi bwakongera bugasana inzu y’ uyu mukecuru akayisubiramo. Mukakalisa ati “Umuntu w’ umukecuru kujya kubundaguza urabona biriya aribyo?”

Kagaba Joseph uturanye na Uwitonze nawe yemera ko ubuyobozi bugereye bukabasaba inkunga bayitanga ariko Hitiyaremye akavurwa kuko kuko bafite impungege ko uyu musore azica nyina kubera ubu burwayi.

Umunyamabanga Nshingwabikorwa w’Umurenge wa Tumba, Vital Migabo yabwiye UKWEZI ko iki kibazo ubuyobozi bw’ umurenge basanzwe bakizi, gusa avuga ko bagiye kugishakira umuti.

Yagize ati “Icyo kibazo turakizi twigeze no ku kiganiraho. Ntabwo twakemeza ko impamvu iyo ndwara yagarutse ari uko habuze ubwishyu… Birumvikana ubufasha buhabwa abantu buterwa n’ ubuhari, nanone kandi biterwa n’ ikiciro umuntu aba arimo, nanone kandi hakanashingirwa n’ ukuntu abaturage babyumva”.

Ku ngingo yo kuba abaturage bavuga ko babonye ubegera baterateranya amafaranga Gitifu Migabo agira ati “Ibyo bizasuzumwa hagati y’ ubuyobozi bw’ abaturage n’ umudugudu harebwe icyakorwa uwo muntu afashwe”.

Uwitonze yahoze mu kiciro cya mbere cy’ ubudehe ariko Leta imaze kumwubakira bahise bamushyira mu kiciro cya 3.


Hitiyaremye ahagaze imbere y’ inzu ya nyina yakuyeho urugi akoreshejwe n’ uburwayi

Amakuru UKWEZI twamenye ni uko uyu musore yafashwe n’ ubu burwayi nyuma gato y’ uko nyina yari yagiye kumwereka se I Muhanga no kumusabira umunani.


INKURU ZA :
Tanga Igitekerezo
Ibitekerezo 1
tete Kuya 9-05-2019

Imana yomwijuru nimucyize amaraso ya yesu yivange Nate umuriro w’Imana utwike abadaimoni bamuterereje mwizina rya yesu amen

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...