konka coffee
KONKA

AMAKURU

UKWEZI
ubumwe

Umunsi hagize uwibeshya akatwishoraho ntabwo azasubira aho yaturutse - Kagame

Umunsi hagize uwibeshya akatwishoraho ntabwo azasubira aho yaturutse - Kagame
12-12-2018 saa 10:19' | By Chief Editor | Yasomwe n'abantu 5961 | Ibitekerezo 3

Perezida Paul Kagame akaba n’Umugaba w’ikirenga w’Ingabo z’u Rwanda, ashimangira ko abifuriza u Rwanda ibibi badashobora kuzabigeraho kandi ngo umunsi hazagira uwibeshya agashaka gutera u Rwanda, ntazasubira aho azaba yaturutse kuko ingabo z’u Rwanda zizamugumana yaba ari muzima cyangwa atakiri muzima.

Ibi Perezida Paul Kagame yabibwiye abasirikare mu ngabo z’u Rwanda ubwo yitabiraga imyitozo yo kurasa yabereye mu kigo cya Gabiro. Yaciye amarenga ku muntu uhora yifuriza u Rwanda ibibi ariko ashimangira ko ibyo yifuza atazigera abigeraho, ndetse ko uwakwibeshya akishora yahura n’akaga gakomeye.

Perezida Kagame ati: "Ibyo mwumva hirya no hino, bizarangirira mu byifuzo gusa. Ushobora kwifuriza u Rwanda nabi ukavuga ngo u Rwanda uwaduha ngo rumere gutyo... Ajye agenda araguze, asenge, akore ibyo ashatse akomeze yifurize u Rwanda nabi, ariko umunsi hagize uwibeshya akatwishoraho ntabwo azasubira aho yaturutse, ntabwo byakunda. Tuzamugumana hano yaba muzima yaba atari muzima..."

Perezida Kagame yavuze ko Ingabo z’u Rwanda zidashotorana ndetse ko n’abazishotora iyo bitaragera mu murongo ntarengwa zibihorera ariko ngo hari aho byagera u Rwanda rukaba rutabyihorera.

Aha yagize ati: "Icyiza ni uko mu mico yacu, nta mpamvu, nta bushake, ntabwo dushotorana. Ntabwo ingabo zacu zibereyeho gushotorana. Ndetse n’abadututse, n’abatwanduranyijeho, iyo bitaragera mu murongo birenga turabihorera. Ariko nibwira ko hari aho ibintu byagera, cyane cyane iyo byagusanze iwawe, ntabwo wabyihorera..."


INKURU ZA :
Tanga Igitekerezo
Ibitekerezo 3
kibonge Kuya 13-12-2018

turashimira umuyobozi wacyu nyakubawa perezida kagame munama nziza yagiriye abasirikare burwanda mugukora akazi kaba kinyamwuga agira ati Icyiza ni uko mu mico yacu, nta mpamvu, nta bushake, ntabwo dushotorana. Ntabwo ingabo zacu zibereyeho gushotorana. Ndetse n’abadututse, n’abatwanduranyijeho, iyo bitaragera mu murongo birenga turabihorera. Ariko nibwira ko hari aho ibintu byagera, cyane cyane iyo byagusanze iwawe, ntabwo wabyihorera..." kandi turashimira ingabo zurwanda mukazi keza bakora courage ngabo zacyu tubarinyuma

Jean-Claude Nshimirimana Kuya 13-12-2018

Burya u Rwanda n’u Burundi ntagihe nakimwe nzambona itandukaniro hagati y’ivyo bihugu.
Ahubwo jewe ndavyitako ari ’AMAHASA’(TWINS).
Dukwiye rero gufatana munda tukareka kwama duterana amajambo.

Jean-Claude Nshimirimana Kuya 13-12-2018

Burya u Rwanda n’u Burundi ntagihe nakimwe nzambona itandukaniro hagati y’ivyo bihugu.
Ahubwo jewe ndavyitako ari ’AMAHASA’(TWINS).
Dukwiye rero gufatana munda tukareka kwama duterana amajambo.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...