AMAKURU

UKWEZI
ubumwe

‘Umupaka w’ u Rwanda na Uganda udakora mubiturekere bizakemuka’ Museveni

‘Umupaka w’ u Rwanda na Uganda udakora mubiturekere bizakemuka’ Museveni
31-07-2019 saa 18:38' | By Nsanzimana Ernest | Yasomwe n'abantu 4592 | Ibitekerezo 3

Perezida wa Uganda Yoweli Kaguta Museveni yavuze ko ibiganiro bigamije gushakira umuti ikibazo cy’ umupaka wa Gatuna uhuza u Rwanda na Uganda umaze igihe udakora bikomeje, atanga icyizere ko iki kibazo kizakemuka.

Yagize ati “Duherutse guhurira muri Angola n’ umuyobozi w’ u Rwanda tuganira ku kibazo cy’ umupaka. Mukiturekere. Ibiganiro bizakomeza kugeza gikemutse burundu. Singombwa ko dukomeza kuvuga ku maradiyo icy’ ingenzi ni ugushaka uko ikibazo gikemuka”.

Perezida Museveni yongeyeho ati “Iki kibazo cyatumye njya muri Angola guhura na Perezida Kagame gusa ntabwo ndibubabwiye ibyo twaganiriye”.

Ibi Perezida Museveni yabivugiye mu kiganiro yagiranye n’ abanyamakuru kuri uyu wa Kabili tariki 30 nk’ uko byatangajwe na Dail monitor.

Muri Gashyantare nibwo u Rwanda rwafunze umupaka wa Gatuna. Kuva icyo gihe kugeza ubu nta kamyo yemerewe kunyura kuri uyu mupaka. Ukoreshwa n’ imodoka nto na za bisi.

Leta y’ u Rwanda yatangaje ko icyatumye aya makamyo abuzwa kunyura kuri uyu mupaka ari uko warimo wagurwa, gusa uyu mupaka warangiye kubakwa mu ntangiriro za Kamena.

Ubuyobozi bw’ u Rwanda bwabujije Abanyarwanda kujya muri Uganda kuko bamwe mu bajyayo bashimutwa bakekwaho kuba ba maneko.

Perezida Museveni atangaje ibi mu gihe nta cyumweru kirashira Minisitiri w’ Ubucuruzi wa Uganda atangaje ko u Rwanda ari isoko rito cyane agasaba abacuruzi ba Uganda gucuruzanya n’ ibindi bihugu bakibagirwa isoko ryo mu Rwanda.

Ifugwa ry’ umupaka wa Gatuna ryagize ingaruka mbi ku mpande zombi ariko Uganda niyo yahombye cyane kuko ariyo yoherezaga mu Rwanda ibicuruzwa byinshi.


INKURU ZA :
Tanga Igitekerezo
Ibitekerezo 3
Byungura Kuya 4-08-2019

Yes birashoboka ko abacuruzi ba uganda bahombye kuko ryari isoko ryabo ariko natwe aba client babo ba boss nitwe tubihombeyemo kuko bashobora kuzagaruka igishoro twarakimaze noneho tukabura uko turangura.ubwo nibande bazaba bahombye??

Byungura Kuya 4-08-2019

Yes birashoboka ko abacuruzi ba uganda bahombye kuko ryari isoko ryabo ariko natwe aba client babo ba boss nitwe tubihombeyemo kuko bashobora kuzagaruka igishoro twarakimaze noneho tukabura uko turangura.ubwo nibande bazaba bahombye??

Murenzi patrick Kuya 3-08-2019

Good , we have believe you Mr museveni it’s good idea think as someone who have long mindset on president position

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...