konka coffee
KONKA

AMAKURU

UKWEZI
ubumwe

Buri mushoferi yategetswe kujya abwira abagenzi ko bamufiteho uburenganzira

Buri mushoferi yategetswe kujya abwira abagenzi ko bamufiteho uburenganzira
13-05-2019 saa 13:19' | By Nsanzimana Ernest | Yasomwe n'abantu 3807 | Ibitekerezo 1

Leta y’ u Rwanda kuri uyu wa Mbere 13 Gicurasi 2019 yatangije ubukangurambaga bwo kuzirikana k’ umutekano wo mu muhanda buzamara ibyumweru 52 bwise ‘Gerayo Amaho’. Intego ni ukugabanya impanuka zo mu muhanda ho 30%. Umushoferi yategetswe kujya abwira abagenzi ko bamufiteho uburenganzira mbere y’ uko ahaguruka.

Ubu bukangurambaga buje bukurikira icyumweru cyahariwe kwita ku mutekano wo mu muhanda cyatangiye tariki 6 Gicurasi kugera uyu munsi tariki 13 hahita hatangira ubukangurambaga by’ ibyumweru 52.

Umwaka ushize mu Rwanda impanuka zo mu muhanda zahitanye abantu 346. Minisiteri y’ Ibikorwaremezo yatangije ubu bukangurambaga ifatanije n’ abafatanyabikorwabayo ivuga ko 80% by’ impanuka zo mu muhanda ziterwa n’ imyitwarire mibi y’ abashoferi.

Umuvugizi wa Polisi y’ u Rwanda Jean Bosco Kabera yavuze ko muri ubu bukangurambaga Polisi y’ u Rwanda izigisha abagenzi uburyo bwiza bwo gukoresha umuhanda hagamijwe guhindura imyumvire.

Ubu bukangurambaga bwatangirijwe mu gihugu hose aho abagenzi bategera imodoka harimo mu mujyi wa Kigali Down Town, Nyabugongo, Remera n’ ahandi.

Umunyamabanga wa Leta muri Minisiteri y’ Ibikorwaremezo ushinzwe ubwikorezi Eng. Uwihanganye Jean de Dieu yavuze ko kuba 80% by’ impanuka zo mu muhanda ziterwa n’ imyitwarire y’ abatwara ibinyabizina bikwiye ko buri wese yagira uruhare mu guhindura imyumvire.

Yagize ati “Ubu bukangurambaga icyo bugamije ni ukugira ngo umushoferi utwaye yumve ko ashaka kugerayo amahoro. Umugenzi utwawe yumve ko ashaka kugerayo amahoro. Umurinzi w’ umutekano wo mu muhanda abanze abe umuntu utwawe, niyo mpamvu twasabye ko muri buri modoka zitwara abantu mu buryo bwa rusange, mbere yo guhaguruka umushoferi agomba kubanza gusobanurira abagenzi ko bamufiteho uburenganzira”

Polisi y’ u Rwanda ivuga ko ibyumweru 52 by’ ubu bukangurambaga bizarangira impanuka zo mu muhanda zigabanutseho 30%.

Ishami ry’umuryango w’abibumbye ryita ku buzima(WHO) rigaragaza ko abantu bagera kuri miliyoni imwe n’ibihumbi 300 bahitanwa n’impanuka zo mu muhanda buri mwaka. Izi mpanuka ziza ku mwanya wa 8 mu gihitana ubuzima bw’abatuye Isi nyuma y’icyorezo cya SIDA, Igituntu n’izindi ndwara.


Abayobozi batandukanye batangije ubu bukangurambaga hirya no hino mu gihugu

Inkuru bifitanye isano ‘80% by’ impanuka zo mu muhanda ziterwa n’ imyitwarire y’ abantu’ Min. Uwihanganye




Ubu bukangurambaga burareba buri wese ukoresha umuhanda: Umushoferi, umunyamaguru n’ abamotari n’ abanyonzi


Ange Sebutege , meya w’ akarere ka Huye yatangirije ubu bukangurambaga muri gare y’ akarere ayobora


INKURU ZA :
Tanga Igitekerezo
Ibitekerezo 1
Mutuyeyezu Emmanuel Kuya 13-05-2019

uwabigeza mumuhanda Musanze butaro
abashoferi baho basuzugura nimodoka zashaje kubi
police niba itaba mubice by a burera sinzi

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...