konka coffee
KONKA

AMAKURU

UKWEZI
ubumwe

Umusirikare wa Ghana yashimye P. Kagame wamuhaye amahirwe yatumye atahana ibihembo byinshi

Umusirikare wa Ghana yashimye P. Kagame wamuhaye amahirwe yatumye atahana ibihembo byinshi
7-06-2019 saa 20:49' | By Nsanzimana Ernest | Yasomwe n'abantu 2411 | Ibitekerezo

Umugaba Mukuru w’ ingabo z’ u Rwanda Gen. Patrick Nyamvumba mu izina rya Perezida w’ u Rwanda Paul Kagame kuri uyu wa 7 Kamena 2019 yahaye impamyabumenyi abasirikare bakuru 47 bamaze umwaka bigira mu ishuri rya gisirikare rya Musanze.

Major Evans Mensa KOMEDJAH, ukomoka mu gihugu cya Ghana niwe witwaye neza kurusha abandi akaba yashimiye Perezida w’ u Rwanda Paul Kagame wamuhaye amahirwe yo kuza kwigira mu Rwanda.


Iri shuri ritanze impamyabumenyi ku nshuro ya 7

Aba basirikare bari mu rwego rw’ abofisiye bakuru kuva kuri Majoro kugera kuri Lieutenant Colonel bahawe amasomo ajyanye n’ ubumenyi mu itumanaho, indangagaciro za muntu n’ amasomo y’ umwuga w’ igisirikare ajyanye no kuyobora urugamba no kuyobora abasirikare.

Gen Nyamvumba yasabye aba basirikare kugenda bagashyira mu bikorwa ibyo bize kandi bakagira uruhare mu guhindura Afurika ahantu hatekanye habereye guturwa.


Gen. Patrick Nyamvumba yasabo aba basirikare n’ abapolisi kugenda bakabyaza umusaruro aya masomo bahawe

Yagize ati “Muvuye hano, mugende mukoreshe ubwo bumenyi uko bikwiye, mu buryo bwose bushoboka mwubake Afurika y’ amahoro, ikomeye, y’ uburumbuke, y’ uburumbuke n’ ahantu heza ho gutura”.

Abofisiye 47 basoje amasomo bahawe impamyabumenyi yitwa ‘Passed Staff College’, 30 muri bize amasomo amasomo y’ umutekano muri Kaminuza y’ u Rwanda bahawe impamyabumenyi yo ku rwego rwa Masters.

Umunya-Ghana, Major Evans Mensa KOMEDJAH niwe wahize abandi akaba ari nawe wahawe ibihembo byinshi. Yakurikiwe n’ Umunyarwanda, Major Emmanuel Mugabo, uwa 3 aba Umunya-Malawi Lt Col Allan Gilbert Mittawa.

Major KOMEDJAH yagize ati “Nagira ngo mfate uyu mwanya nshimire Perezida Kagame wampaye aya mahirwe yo kuza hano. Ibyo mpakuye bigiye kumfasha guteza imbere Afurika imwe”.

Abasoje amasomo barimo umugore umwe rukumbi, ni Umunyarwakazi Major Kazarwa Mary, wambwiye RBA ko mu byo bigishijwe harimo gutahura iterabwoba no kurikumira ritaraba.

Yagize ati “Mu iterabwoba abaturage b’ inzirakarengane nibo baharenganira kurusha twebwe abasirikare”.

Ishuri rya gisirikare rya Musanze riyoborwa na Gen. Maj. Jean Bosco Kazula rifite inshingano yo kongerera abasirikare ubumenyi n’ ubunyamwuga mu kuyobora urugamba hagamijwe guhangana n’ ibibazo bibangamiye umutekano muri iki gihe.

Kuva iri shuri ryatangizwa na Perezida w’ u Rwanda Paul Kagame mu mwaka wa 2012 rimaze guha impamyabumenyi abanyeshuri 320.

Abarangije uyu mwaka ni abo mu bihugu 10 byo muri Afurika aribyo Ethiopia, Ghana, Kenya, Malawi, Nigeria, Rwanda, Senegal, Tanzania, Uganda na Zambia.


Ifoto y’ urwibutso


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...